భారత్-బంగ్లాదేశ్ సరిహద్దు వివాదం..

భారత్ , బంగ్లాదేశ్ మధ్య 150 గజాల పొడవైన భూభాగంపై నెలకొన్న వివాదం ఫిబ్రవరి 17న కీలక మలుపు తిరగనుంది. ఫిబ్రవరి 17 నుంచి 20 వరకు న్యూఢిల్లీలో బోర్డర్ సెక్యూరిటీ ఫోర్స్ (BSF), బోర్డర్ గార్డ్ బంగ్లాదేశ్ (BGB) డైరెక్టర్ జనరల్ స్థాయిలో చర్చలు జరగనున్నాయి.2024 ఆగస్టు 5న షేక్ హసీనాకు చెందిన అవామీ లీగ్ ప్రభుత్వం సద్దుమణగిన తర్వాత.. బంగ్లాదేశ్‌లో సైనిక మద్దతుతో కూడిన తాత్కాలిక ప్రభుత్వం అధికారం చేపట్టింది. ఈ మార్పుల అనంతరం.. సరిహద్దు భద్రతా దళాల మధ్య జరుగుతున్న సమావేశం ఇదే మొదటిది కానుంది.భారత ప్రభుత్వం దాదాపు 5,000 కిలోమీటర్ల సరిహద్దులో మేకుల కంచె నిర్మాణాన్ని చేపట్టింది. అయితే.. బంగ్లాదేశ్ దీనిని తీవ్రంగా అభ్యంతరం వ్యక్తం చేస్తోంది. 1975 ఒప్పందాన్ని ఉద్దేశిస్తూ.. 150 గజాల పరిధిలో ఎలాంటి రక్షణ నిర్మాణం చేయరాదని బంగ్లాదేశ్ వాదిస్తోంది. అయితే.. ఈ రక్షణ కట్ట అనేది అక్రమ రవాణాను, అక్రమ ప్రవేశాలను, కేటుగాళ్ల కార్యకలాపాలను అడ్డుకోవడానికే అని భారత ప్రభుత్వం స్పష్టం చేస్తోంది.సరిహద్దు భద్రతా దళం మాజీ అదనపు డైరెక్టర్ జనరల్ ఎస్.కే. సుడ్ మాట్లాడుతూ.. భారత్ దీనిని రక్షణ కట్టగా భావించదని, అయితే బంగ్లాదేశ్, పాకిస్తాన్ మాత్రం వేరుగా చూస్తున్నాయని వివరించారు. సరిహద్దు సమస్యల నిపుణుడు ఓ.పి. జిందాల్ విశ్వవిద్యాలయ ప్రొఫెసర్ శ్రీధర దత్తా ప్రకారం.. 1971 విభజన తర్వాత నుండి భారత-బంగ్లాదేశ్ సరిహద్దు సమస్యలు తీవ్రమయ్యాయి. కొన్ని గ్రామాలు సరిహద్దు మధ్యలో ఉండటం వల్ల ఇళ్లకు సంబంధించిన కొన్ని తలుపులు భారత్ లో.. మరికొన్ని తలుపులు బంగ్లాదేశ్ లో ఉండే పరిస్థితి ఏర్పడింది. 1975 ఒప్పందం ప్రకారం.. 150 గజాల పరిధిలో ఎలాంటి రక్షణ కట్టడాలు నిర్మించరాదని పేర్కొంది. బంగ్లాదేశ్ భారత కంచెను రక్షణ కట్టడంగా భావిస్తూ.. భారత్ తమ భూభాగాన్ని పర్యవేక్షించేందుకు దీన్ని ఉపయోగించవచ్చని అభిప్రాయపడుతోంది.

37 ఏళ్ల సేవా అనుభవం ఉన్న BSF మాజీ ఇన్‌స్పెక్టర్ జనరల్ సుర్జిత్ సింగ్ గులేరియా తెలిపిన వివరాల ప్రకారం.. బంగ్లాదేశ్ భారత స్మార్ట్ ఫెన్సింగ్, అంటే CCTV కెమెరాలు, ఎలక్ట్రానిక్ పర్యవేక్షణ పరికరాలపై కూడా అభ్యంతరం వ్యక్తం చేస్తోంది. 100 గజాల పరిధిలో ఈ పరికరాలు అమర్చడం ద్వారా, భారత్ బంగ్లాదేశ్ భూభాగాన్ని పర్యవేక్షించేందుకు వీలుగా ఉంటుందని BGB అభిప్రాయపడుతోంది. అలాగే.. ఈ ఫెన్సింగ్ కారణంగా సరిహద్దు ప్రాంత ప్రజలు ఎదుర్కొనే ఇబ్బందులను కూడా బంగ్లాదేశ్ ప్రస్తావిస్తోంది.భారత్-బంగ్లాదేశ్ సరిహద్దు మొత్తం 4,096.7 కిలోమీటర్లుగా ఉండి.. ఇది త్రిపుర, అసోం, వెస్ట్ బెంగాల్, మేఘాలయ, మిజోరం రాష్ట్రాల మీదుగా విస్తరించింది. అక్రమ గూఢాచర్యం, అక్రమ ప్రవేశం ప్రధాన సమస్యలుగా భారత్ పేర్కొంటోంది. అందుకే.. ఫెన్సింగ్ ఏర్పాటు ఈ అక్రమ చట్టవ్యతిరేక కార్యకలాపాలను అడ్డుకునేందుకు అవసరమని భారత్ వాదిస్తోంది.

సుర్జిత్ సింగ్ గులేరియా ప్రకారం.. 150 గజాల పరిధిలోని ఫెన్సింగ్ అనేది అంతర్జాతీయ సరిహద్దు వెంబడి ఉన్న గ్రామాలను రక్షించేందుకు ఏర్పాటు చేసినదే. సరిహద్దులో ఫెన్సింగ్ లేని ప్రాంతాల్లో దాదాపు 60 శాతం అక్రమ కార్యకలాపాలు జరుగుతున్నాయని తెలిపారు. అయితే.. బంగ్లాదేశ్ ఈ విషయాన్ని అంగీకరించకపోవడం వివాదానికి దారితీస్తోందని వ్యాఖ్యానించారు.బంగ్లాదేశ్ అభ్యంతరాలపై స్పందిస్తూ... మాజీ రక్షణ అధికారి ఎస్.కే. సుడ్, ఫెన్సింగ్ ఇంకా పూర్తి కాలేని ప్రాంతాలను బంగ్లాదేశ్‌కు ఇప్పటికే తెలియజేశామని తెలిపారు. కొన్ని గ్రామాలు, నీటి వనరులు సరిహద్దుకు దగ్గరగా ఉన్న నేపథ్యంలో.. జనాభా సమస్యల కారణంగా ఫెన్సింగ్ నిర్మాణాన్ని క్రమంగా అమలు చేస్తున్నామని వివరించారు. భద్రతా అంశాలను దృష్టిలో ఉంచుకుని భారత్ సరిహద్దు రక్షణకు కట్టుబడి ఉందని స్పష్టం చేశారు.