ట్రెండింగ్
వక్ఫ్ సవరణ బిల్లును వ్యతిరేకించనున్న ఇండియా కూటమి
Andhra Pradesh Telugu | Suryaa Desk | Published : Wed, Apr 02, 2025, 12:59 PM
పార్లమెంటులో జరుగుతున్న బడ్జెట్ సమావేశాలలో వక్ఫ్ బిల్లును బుధవారం లోక్ సభలో ప్రవేశపెట్టాలని కేంద్రంలోని ఎన్డీయే ప్రభుత్వం నిర్ణయించింది. లోక్ సభ ప్రశ్నోత్తరాలు ముగిసిన తర్వాత.. అంటే మధ్యాహ్నం 12 గంటల తర్వాత ఈ బిల్లును కేంద్ర మంత్రి కిరణ్ రిజిజు సభలో ప్రవేశపెట్టనున్నారు. వక్ఫ్ సవరణ బిల్లును ప్రతిపక్షాలు తీవ్రంగా వ్యతిరేకిస్తున్నాయి. ఇండియా కూటమిలోని పార్టీలు మంగళవారం ప్రత్యేకంగా సమావేశమై సభలో ఈ బిల్లును అడ్డుకోవాలని తీర్మానించాయి. ఇండియా కూటమి మొత్తం ఈ బిల్లుకు వ్యతిరేకంగా ఓటు వేస్తుందని ప్రతిపక్ష నేతలు చెబుతున్నారు. ఈ నేపథ్యంలో అత్యంత వివాదాస్పదంగా మారిన వక్ఫ్ సవరణ బిల్లు పార్లమెంటులో పాసవుతుందా? అనేది చర్చనీయాంశంగా మారింది.
|
|