చైనా-అమెరికా దేశాల మధ్య చర్చకు కారణం అయిన ట్రంప్ సహాయకురాలి బట్టలు.. అసలెందుకీ రచ్చ

అగ్రరాజ్యం అమెరికా, చైనా దేశాల మధ్య సాగుతున్న టారిఫ్ రోజురోజుకూ ముదురుతోంది. ఒకరిపై ఒకరు ఎక్కువ మొత్తంలో సుంకాలు విధించుకుంటూ అరుదైన ఖనిజాల ఎగుమతులపై ఆంక్షలు విధించుకుంటున్నారు. ఈ సమంలోనే అమెరికా అధ్యక్షుడు ట్రంప్ సహాయకురాలు ధరించిన దుస్తులపై దుమారం రేగుతోంది. ముఖ్యంగా ఆమె వేసుకున్న బట్టలు తమ దేశంలో తయారు అయినవేనని చెబుతూ చైనా ఓ పోస్ట్ పెట్టింది. మమ్మల్ని తిడుతూ.. మేము తయారు చేసిన బట్టలు వేసుకోండంటూ కామెంట్లు చేసింది. ఆపూర్తి వివరాలు మీకోసం.

అగ్రరాజ్యం అమెరికా చైనా దేశాల మధ్య వాణిజ్యం యుద్ధం కొనసాగుతూనే ఉంది. ఇప్పటికే అన్ని దేశాలపై సుంకాలను 90 రోజుల పాటు రద్దు చేసిన ట్రంప్... చైనాపై మాత్రం టారిఫ్ పెంచుకుంటూ పోతున్నారు. ప్రస్తుతం అమెరికా చైనాపై 145 శాతం సుంకాలు విధిస్తోందిఅలాగే డ్రాగన్ దేశం సైతం ఏమాత్రం వెనక్కి తగ్గకుండా అమెరికాపై సుంకాలను 125 శాతానికి పెంచుతున్నట్లు తెలిపింది. అలాగే అరుదైన ఖనిజాల ఎగుమతిపై కూడా ఆంక్షలు విధించింది. వీటికి తోడు అమెరికా విమాన తయారీ సంస్థ బోయింగ్ నుంచి ఎలాంటి డెలవరీలు స్వీకరించవద్దని.. స్వదేశీ సంస్థలను ఆదేశించింది. ముఖ్యంగా వైమానికి రంగంలో ఉపయోగించే విడి భాగాలను అమెరికా నుంచి కొనుగోలు చేయొద్దని సూచించింది.

ఈక్రమంలోనే అమెరికా అధ్యక్ష కార్యాలయం మీడియా కార్యదర్శి కరోలిన్ లీవిట్ ధరించిన డ్రెస్సుపై సోషల్ మీడియాలో వార్తలు వైరల్ అయ్యాయి. ముఖ్యంగా ఆమె ఇటీవలే ఓ కార్యక్రమంలో వేసుకున్న నల్లటి లేసుతో కూడిన ఎరుపు రంగు దుస్తులు చైనాలో తయారు అయ్యాయని పేర్కొన్నారు. తమపై యుద్ధం చేస్తూనే.. తాము చేసిన బట్టలు వేసుకుంటున్నారు అమెరికన్లు అంటూ కామెంట్లు చేశారు. దీనిపై ఇండోనేషియాలోని చైనా రాయబారి ఝాన్ ఝీషింగ్ స్పందిస్తూ.. ట్రంప్ యంత్రాంగం తీరుపై విమర్శలు గుప్పించారు.

చైనాను నిందించండి.. నిజ జీవితంలో మాత్రం చైనాలో తయారు అయిన వస్తువులనే కొనుగోలు చేసి వాడుకోండి అంటూ రాసుకొచ్చారు. అంతటితో ఆగకుండా ట్రంప్ సహాయకురాలు కరోలిన్ లీవిట్ ధరించిన నల్లటి లేసుతో కూడిన డ్రెస్సును చైనాలో తయారు చేశారని.. ఆ తయారీ సంస్థలో పని చేస్తున్న ఓ ఉద్యోగే దీన్ని గుర్తించారని చెప్పుకొచ్చారు. అందుకు సంబంధించిన ఫొటోలను కూడా షేర్ చేశారు. దీనిపై ఒక్కొక్కరూ ఒక్కో విధంగా స్పందిస్తున్నారు. నిజమే కదా.. అమెరికా చైనా తయారు చేసిన బట్టలు వేసుకోవద్దని కొందరు, పన్నులు కడుతూనే అమెరినక్లు ఆ బట్టలు వేసుకుంటున్నారు తప్పేమీ లేదని మరికొందరు వివరిస్తున్నారు.