ఎన్నికల వాయిదాకు కుట్ర.. చత్తీస్ఘడ్ సీఎం
national | Suryaa Desk | Published : Wed, Dec 29, 2021, 07:00 PM
కరోనా కేసుల పెరుగుదల..ఓమిక్రాన్ వెరియట్ దూకుడు నేపథ్యంలో త్వరలో జరిగే ఐదు రాష్ట్రాల ఎన్నికల నిర్వాహణపై ఉత్కంఠ కొనసాగుతోంది. దీంతో ఈ ఎన్నికలపై స్పందించిన ఎన్నికల కమిషన్ ముందుకే సాగుతామని ప్రకటించినా ఎన్నికల నిర్వాహణపై ఇంకా పలువురు అనుమానాలు వ్యక్తంచేస్తున్నారు.
వైరస్ సాకును చూపి ఈ ఎన్నికలను వాయిదా వేసేందుకు బీజేపీ కుట్ర పన్నుతోందని చత్తీస్ఘడ్ సీఎం భూపేస్ బాఘెల్ ఆరోపించారు.వచ్చే ఏడాది ఫిబ్రవరి-మార్చిలో ఉత్తరప్రదేశ్, ఉత్తరాఖండ్, పంజాబ్, గోవా, మణిపూర్ రాష్ట్రాల్లో అసెంబ్లీ ఎన్నికలు జరగనున్నాయి. అయితే వాటిని వాయిదా వేసేలా బీజేపీ కుట్ర చేస్తోందని చత్తీస్ఘడ్ సీఎం భూపేస్ బాఘేల్ అనుమానం వ్యక్తం చేశారు. ఒమిక్రాన్ వైరస్ సాకు చూపే అవకాశం ఉందని ఆరోపించారు. ప్రధాని కార్యాలయంలో ఏర్పాటు చేసిన సమావేశంలో ఈసీ పాల్గొనడంపై ఆయన తప్పుపట్టారు. ఎన్నికల కమిషన్ విశ్వసనీయతను ప్రశ్నించారు. దేశంవ్యాప్తంగా మోదీ ప్రభుత్వంపై ప్రజల్లో వ్యతిరేకత పెరుగుతోందన్నారు. ఈ ఐదు రాష్ట్రాల్లో బీజేపీకి వ్యతిరేకంగా సర్వేలు వెలువడుతుండడంతో మోదీకి భయంపట్టుకుందని విమర్శించారు.
వచ్చే ఏడాది ఆరంభంలో అయిదు రాష్ట్రాల అసెంబ్లీ ఎన్నికలు జరనున్న నేపథ్యంలో కరోనా పరిస్ధితిపై ఎన్నికల కమిషన్ కేంద్ర ఆరోగ్య మంత్రిత్వ శాఖ సీనియర్ అధికారులతో సమావేశమైంది. ఈ నేపధ్యంలో చత్తీస్ఘడ్ సీఎం భూపేష్ బాఘేల్ ఎన్నికల నిర్వహణపై అనుమానాలు వ్యక్తం చేశారు.
|
|