పేడతోపాటు ముత్రం కూడా సేకరణ: ఛత్తీస్ ఘడ్ ప్రభుత్వం నిర్ణయం

రాష్ట్రంలో రైతుల దగ్గర నుంచి ఆవు పేడను కొనుగోలు చేస్తోన్న ఛత్తీస్ గఢ్ ప్రభుత్వం ఇక నుంచి గో మూత్రాన్ని కూడా సేకరించడానికి సన్నాహాలు చేస్తోంది. ఈ విషయాన్ని ముఖ్యమంత్రి సలహాదారు ప్రదీప్ శర్మ వెల్లడించారు. ప్రభుత్వం గత కొన్ని నెలలుగా రైతుల నుంచి ఆవు పేడను తీసుకుంటుంది. దాని కోసం వారికి డబ్బులు కూడా ఇస్తోంది. అలా సేకరించిన పేడను సేంద్రీయ ఎరువుల కోసం వాడుతోంది. కేవలం ఎరువుల కోసమే కాదు రైతుల ఆదాయాన్ని పెంచడానికి, పశువుల పెంపకాన్ని ప్రోత్సాహించడానికి ప్రభుత్వం ఈ పనిచేస్తోంది. అయితే ఇక నుంచి పేడతో పాటు గో మూత్రాన్ని కూడా కొనుగోలు చేయనుంది. ఆవు మూత్రాన్ని సేంద్రీయ పురుగుల మందుల తయారీలో వాడనుంది. దీనికోసం రైతులకు డబ్బులు చెల్లించనుంది. ‘‘ఆవు పేడను సేకరించిన పద్ధతిలోనే పశువుల మూత్రాన్ని కూడా సేకరిస్తాం. మేం గ్రామ గౌతమ్ సమితి ద్వారా గోమూత్రాన్ని సేకరిస్తాం, దీనికోసం ఆయా పశువుల రైతులకు 15 రోజులకు ఒకసారి డబ్బు చెల్లిస్తాం’’ అని సీఎం భూపేష్ బఘేల్ సలహాదారు ప్రదీప్ శ్రమ చెప్పారు. పశువుల పెంపకం రైతులకు లాభదాయకంగా మార్చడం ముఖ్య ఉద్దేశమని ప్రదీప్ శ్రమ అన్నారు. ఆవు పేడను కొనుగోలు చేయాలనే నిర్ణయంతో దీని వల్ల రోడ్డు ప్రమాదాలు తగ్గాయన్నారు. గతంలో రైతుతు ఒట్టిపోయిన ఆవులను రోడ్లపై వదిలేసేవారు. అవి రోడ్లపైకి రావడంతో రోడ్డు ప్రమాదాలు జరిగే. ఇప్పుడు ఆ ప్రమాదాలు తగ్గాయని ఆయన అన్నారు. కాంగ్రెస్ అధికారంలో ఉన్న ఛత్తీష్‌గఢ్‌లో దాదాపు 271,503 ఆవుల పెంపకం కేంద్రాలు ఉన్నట్టు అధికారిక లెక్కలు చెబుతున్నాయి. ఛత్తీష్‌గఢ్ ప్రభుత్వం 20 నెలల్లో 6.4 మిలియన్ క్వింటాళ్ల ఆవు పేడను సేకరించింది. దాంతో రెండు మిలియన్ల క్వింటాళ్ల ఆర్గానిక్ వర్మీ కంపోస్టును ఉత్పత్తి చేసింది. అలాగే సేంద్రీయ పురుగుల మందుల తయారీకి ఆవు మూత్రం చాలా ఉపయోగపడుతోంది. దీంతో రైతుల నుంచి గోమూత్రాన్ని తీసుకుని సేంద్రీయ పురుగుల మందుల తయారీకి వినియోగించేందుకు ప్రభుత్వం యోచిస్తోంది. దీనికోసం ఇప్పటికే ప్రభుత్వం ఆమోదం తెలిపింది. త్వరలో కొనుగోలుకు అవసరమయ్యే ముసాయిదాను అధికారులు సిద్ధం చేయనున్నారు.