‘నయన్’ ఖర్చులు భరించలేమంటోన్న నిర్మాతలు
cinema | Suryaa Desk | Published : Sun, Feb 02, 2020, 05:39 PM
హీరోయిన్స్ లో అత్యధిక పారితోషికం తీసుకుంటోంది నయనతార. అయినా కూడా ఆమె షూటింగ్ సమయంలో తన పర్సనల్ స్టాప్ ఖర్చుల నిమిత్తం 70 వేల నుండి 85 వేల వరకు వసూళ్లు చేస్తుందని ఓ నిర్మాత మీడియా ముందుకి వచ్చి చెప్పడం విశేషం . ఔట్ డోర్ షూటింగ్ కు వెళ్లిన సమయంలో ఆమె పర్సనల్ స్టాప్ ఖర్చు మరింత ఎక్కువ అవుతుందట. కేవలం ఆమె మేకప్ ఆర్టిస్టుకు రోజుకు 8 వేల రూపాయలు నిర్మాత చెల్లించాల్సి ఉంటుందట. సాదారణంగా పర్సనల్ స్టాప్ కు ఆ స్టార్ చెల్లించుకోవాల్సి ఉంటుంది. కాని నయనతారను నిర్మాతలు కోరుకుంటున్నారు కనుక ముందే తన పర్సనల్ స్టాప్ ఖర్చులను భరించాల్సిందిగా కండీషన్ పెడుతుందట. సినిమా పూర్తి అయ్యేప్పటికి ఆమె పర్సనల్ స్టాప్ ఖర్చులు 40 నుండి 50 లక్షలు అవుతుందని నిర్మాతలు గగ్గోలు పెడుతున్నారు. ఇంత ఖర్చు పెడితే ఆమె ప్రమోషన్స్ కు వస్తుందా అంటే అదీ లేదు. అదనంగా డబ్బులు ఇస్తానన్నా కూడా ప్రమోషన్స్ కు మాత్రం వచ్చేది లేదంటే లేదు అంటుంది. నయన్ వల్ల ఇన్ని ఇబ్బందులు ఉన్నప్పుడు ఎందుకు ఆమెను భరించాలని చాలా మంది ప్రశ్నిస్తున్నారు. ప్రమోషన్స్ కు రాకపోవడం నిర్మాతకు చాలా పెద్ద నష్టం. అది కాకుండా భారీ పారితోషికం.. పర్సనల్ స్టాప్ ఖర్చులు ఇన్ని వసూళ్లు చేస్తూ నిర్మాతలను చిత్తడి చేస్తున్న ఆమెను భరించడం ఎందుకు అంటూ కొందరు ప్రశ్నిస్తున్నారు. నయన్ ఇదే పరిస్థితిని కొనసాగిస్తే కోలీవుడ్ లో ఆమెకి అవకాశాలు చేజారి పోవచ్చని పలువురు అభిప్రాయపడుతున్నారు.
|
|