నితిన్ కాదనుకొన్నాడు...అశోక్ గల్లా చేసేశాడు
cinema | Suryaa Desk | Published : Wed, Jan 12, 2022, 07:05 PM
హీరో సినిమాలో హీరోగా తొలుత నితిన్ ను అనుకొన్నా తరువాత ఆ సినిమాను అశోక్ గల్లా చేసేశాడని తెలిసింది. ఇదిలావుంటే శ్రీరామ్ ఆదిత్య దర్శకత్వంలో అశోక్ గల్లా తెలుగు తెరకి పరిచయమవుతున్నాడు. 'హీరో' సినిమాతో ఆయన ఈ నెల 15వ తేదీన ప్రేక్షకుల ముందుకు వస్తున్నాడు. సినిమా హీరో కావలని కలలుగానే ఒక కుర్రాడు అనుకోకుండా ఒక మర్డర్ కేసులో ఇరుక్కుంటాడు. ఆ కేసులో నుంచి ఆయన ఎలా బయటపడ్డాడనే ఆసక్తికరమైన మలుపులతో ఈ కథ నడుస్తుంది. అయితే శ్రీరామ్ ఆదిత్య ఈ కథను ముందుగా నితిన్ కి వినిపించాడట. అయితే కొన్ని కారణాల వలన ఆయన ఈ ప్రాజెక్టును చేయలేకపోయాడు. అందువలన ఆ కథను అశోక్ గల్లాకి చెప్పి శ్రీరామ్ ఆదిత్య ఒప్పించినట్టుగా ఒక టాక్ వినిపిస్తోంది. ఇందులో వాస్తవమెంతన్నది అలా ఉంచితే, అశోక్ మాత్రం ఈ కథపై కాన్ఫిడెంట్ గా ఉన్నాడు. ఇక నితిన్ విషయానికి వస్తే కొంతకాలంగా ఆయన వరుస ఫ్లాపులతో సతమతమవుతున్నాడు. 'భీష్మ' తరువాత ఆయన సరైన హిట్ కొట్టలేకపోయాడు. ప్రస్తుతం 'మాచర్ల నియోజక వర్గం' సినిమాను చేస్తున్నాడు. ఈ సినిమాతో ఈ ఏడాది తొలి హిట్ కొట్టాలనే పట్టుదలతో ఉన్నాడు. ఆయన ప్రయత్నం ఎంతవరకూ ఫలిస్తుందన్నది చూడాలి మరి.
|
|