వైరల్ అవుతున్న చరణ్ మరియు కీర్తి డ్యాన్స్ వీడియో
cinema | Suryaa Desk | Published : Thu, Jan 27, 2022, 01:07 PM
నాగేష్ కుకునూర్ దర్శకత్వంలో జాతీయ అవార్డ్ గ్రహీత కీర్తి సురేష్,ఆది పినిశెట్టి మరియు జగపతి బాబు నటిస్తున "గుడ్ లక్ సఖి" సినిమా ఈ జనవరి 28న విడుదల అవుతుంది అని అందరికి తెలిసిన విషయమే.సినిమా ప్రీ-రిలీజ్ ఈవెంట్ను జనవరి 26న హైదరాబాద్లో ఏర్పాటు చేయగా ఈ కార్యక్రమానికి రామ్ చరణ్ను ముఖ్య అతిథిగా ఆహ్వానించారు. ఈ ఈవెంట్ లో రామ్ చరణ్ మాట్లాడుతూ.. ''నేను అతిథిగా రాలేదు. నేను మా నాన్న తరుపున వచ్చాను. ఆయన ఆశీస్సులు తెలియజేసేందుకు వచ్చాను.ఇది చిన్న సినిమా కాదు, టీమ్లో చాలా మంది నేషనల్ అవార్డ్ విన్నర్స్ ఉన్న పెద్ద సినిమా. సినిమా ఇండస్ట్రీలో ఆడ, మగ అనే తేడా లేదు,అందరూ ఒకటే. ఈ నెల 28న విడుదల అవుతున్నా "గుడ్ లక్ సఖి" సినిమా విజయం సాధిస్తుందని ఆశిస్తున్నాం అని అన్నారు. కీర్తి సురేష్ తనతో నాటు నాటు హుక్ స్టెప్ చేయమని రామ్ చరణ్ ని అడుగుగా చరణ్ కీర్తితో డ్యాన్స్ చేసాడు. "గుడ్ లక్ సఖి" ప్రీ-రిలీజ్ ఈవెంట్లో వీరిద్దరూ చేసిన డ్యాన్స్ వీడియో సోషల్ మీడియాలో వైరల్ అవుతోంది.
|
|