కీర్తి సురేష్ 'గుడ్ లక్ సఖి' సినిమా రివ్యూ

కీర్తి సురేష్ నటించిన 'గుడ్ ​లక్ సఖి' ఇవాళ థియేటర్లలో రిలీజ్ అయ్యింది. నగేశ్ కుకునూరి దర్శకత్వం వహించిన ఈ సినిమాలో జగపతిబాబు, ఆది పినిశెట్టి, రాహుల్ రామకృష్ణ ముఖ్య పాత్రల్లో కనిపించరు. మరి సినిమా ఎలా ఉందో ఇప్పుడు తెలుసుకుందాం. దంతులూరు అనే పల్లెటూరిలో పుట్టిన సఖి పారికర్ (కీర్తి సురేష్) అనే అమ్మాయి రాష్ట్రస్థాయి రైఫిల్ షూటింగ్ పోటీల్లోకి దిగి ఎలా గెలిచింది? సఖిని ఇష్టపడిన గోళిరాజు(ఆది పినిశెట్టి) పరిస్థితి ఏమైంది అన్నదే ఈ సినిమా కథ.
మహానటి తర్వాత కీర్తి సురేష్ మహిళా ప్రాధాన్యతగా ఏ సినిమా చేసినా మహానటితో పోల్చకతప్పదు. అయితే గుడ్ లక్ సఖి చూసిన తర్వాత కీర్తి సురేష్ నటనను, తన ప్రతిభను దర్శకుడు సరిగ్గా ఉపయోగించుకోలేకపోయారనిపిస్తుంది. ఒక స్పోర్ట్స్ డ్రామాగా కథను తయారు చేసుకున్న దర్శకుడు కథనాన్ని, అందులోని పాత్రలను తీర్చిదిద్దడంలో తడపడ్డాడు. ఫస్ట్ హాఫ్ కీర్తి షూటర్​గా శిక్షణ పొందడం, గోళి రాజు, కల్నల్ పాత్రల చుట్టూనే తిరుగుతుంది. సెకండ్ ఆఫ్ లో కీర్తి పాత్రను మలిచిన తీరు అసంతృప్తిని కలిగిస్తుంది. తనపై బ్యాడ్ లక్ సఖి అన్న ముద్రను చెరిపేసుకోడానికి కీర్తి తపన పడుతున్నట్లుగా ఎక్కడా కనిపించదు. సినిమాలో వినోదానికి పెద్దగా అవకాశం ఇవ్వలేదు.
కీర్తి బాగా నటించింది. సఖి పాత్రలో గిరిజన అమ్మాయిగా లీనమైపోయింది. కల్నల్ పాత్రలో నటించిన జగపతిబాబు నటన ఎప్పటిలాగే బాగుంది. గోళి రాజు పాత్రలో నటించిన ఆది పిన్నిశెట్టి రంగస్థల కళాకారుడిగా ప్రేక్షకులను మెప్పించే ప్రయత్నం చేశాడు. సూరి పాత్రలో రాహుల్ రామకృష్ణ నటన సినిమాకు కొంత ఊరటనిచ్చింది. దేవీశ్రీప్రసాద్ అందించిన పాటలు, బ్యాక్ గ్రౌండ్ మ్యూజిక్ ఫర్వాలేదనిపించాయి. దర్శకుడు నగేశ్ కుకునూరు మార్క్ స్పష్టంగా కనిపించింది. నగేశ్ మాటలు అక్కడక్కడ పేలాయి. నిర్మాణ విలువలు ఫర్వాలేదనిపించాయి. డబ్బింగ్ విషయంలో మరిన్ని జాగ్రత్తలు తీసుకుంటే బాగుండేది.