సినీ హీరోల రెమ్యునరేషన్ పై సీఎం జగన్ స్పందన
cinema | Suryaa Desk | Published : Thu, Feb 10, 2022, 06:02 PM
చిరంజీవి బృందంతో భేటీలో సీఎం జగన్ కీలక వ్యాఖ్యలు చేశారు. మంచి పాలసీ తీసుకురావాలని, తద్వారా పెద్ద సినిమాలకు, చిన్న సినిమాలకు న్యాయం జరగాలని గత కొద్ది కాలంగా కసరత్తు జరుగుతుందని అన్నారు. ఇక సినీ హీరోల రెమ్యునరేషన్ పై సీఎం జగన్ స్పందించారు. ఇందులో భాగంగానే అందరి అభ్యర్ధనలను పరిగణలోకి తీసుకుంటూ ఒక కమిటీని కూడా నియమించామని చెప్పారు. సినిమా పరిశ్రమలో ఉన్న కొన్ని కొన్ని లోపాలను పూర్తిగా సరిదిద్దుకుని, ఇండస్ట్రీ నిలబడ్డానికి ఒక మంచి వ్యవస్ధను క్రియేట్ చేసుకునేందుకు తపన, తాపత్రయంతోనే అడుగులు పడ్డాయని, ఏ సినిమాకైనా, ఎవరి సినిమాకైనా ఒకే రేటు ఉండాలన్నారు. హీరో పారితోషికం, హీరోయిన్ పారితోషికం, దర్శకుడు పారితోషికం వంటి అంశాలను పరిగణలోకి తీసుకోకుండానే నిర్మాణ వ్యయం పరంగా కొన్ని భారీ బడ్జెట్ సినిమాలు కూడా ఉన్నాయని చెప్పారు. ఈ తరహా సినిమాలు చేయడంలో రాజమౌళి నిపుణుడని, అటువంటి వాటిని ప్రత్యేకంగా చూడాలన్నారు. హీరో, హీరోయిన్, డైరెక్టర్ రెమ్యునరేషన్ కాకుండా, వీటిని పక్కన పెట్టి కేవలం సినిమా కోసమే రూ.100 కోట్లు కంటే ఎక్కువ ఖర్చు అయిన భారీ బడ్జెట్ సినిమాలును ప్రత్యేకంగా ట్రీట్ చేయాలని పేర్కొన్నారు. అటువంటి వాటికి వారం రోజుల పాటు కచ్చితంగా ప్రత్యేక ధరలు నోటిఫై చేసే విధంగా ట్రీట్ చేయాలని చెప్పామని, ఇక్కడ కూడా రాష్ట్రంలో షూటింగ్లు ప్రమోట్ చేయడం కోసం కొంత పర్సెంటేజ్ కేటాయించామన్నారు.
|
|