రవితేజ కొత్త సినిమాకు ఇంట్రెస్టింగ్ టైటిల్... ఉగాది రోజున పూజా కార్యక్రమం...
cinema | Suryaa Desk | Published : Wed, Mar 23, 2022, 11:19 AM
టాలీవుడ్ మాస్ రాజా రవితేజ వరస సినిమాలతో కెరీర్లో చాలా బిజీగా గడుపుతున్నారు. ఇటీవల ఆయన నటించిన ఖిలాడీ బాక్సాఫీస్ వద్ద బోల్తాపడిన విషయం తెలిసిందే. క్రాక్ మూవీ సక్సెస్ ను ఖిలాడీ తో కంటిన్యూ చేయాలనుకున్న రవితేజ ఆశలు నిరాశలుగానే మిగిలిపోయాయి.
ఇదిలావుండగా రవితేజ మాత్రం జయాపజయాలను లెక్క చేయకుండా సినిమాల మీదే పూర్తి దృష్టి పెట్టాడు. ప్రస్తుతం ఆయన చేస్తున్న రెండు సినిమాలు ఢమాకా, రామారావ్ ఆన్ డ్యూటీ సెట్స్ మీద ఉన్నాయి. వీటితో పాటు వంశి దర్శకత్వం వహిస్తున్న టైగర్ నాగేశ్వరరావు కూడా త్వరలోనే ప్రారంభం కానుంది. టైగర్ నాగేశ్వర రావు మూవీ ప్రారంభ కార్యక్రమం ఉగాది సందర్భంగా ఏప్రిల్ 2న జరగనుందని చిత్రవర్గ సమాచారం. ఈ సినిమాకు అభిషేక్ అగర్వాల్ నిర్మాతగా వ్యవహరిస్తున్నారు. ఇండియా మోస్ట్ వాంటెడ్ దొంగ గా రవితేజ ఈ సినిమాలో నటించనున్నారని వినికిడి. ఈ సినిమా కోసం రవితేజ తన వేష భాషలను మార్చుకునే ప్రయత్నంలో ఉన్నారట.
|
|