హీరోయిన్ రాశీఖన్నా షాకింగ్ కామెంట్స్
cinema | Suryaa Desk | Published : Thu, Mar 24, 2022, 10:17 AM
నటి రాశీఖన్నా షాకింగ్ కామెంట్స్ చేసింది. దక్షిణాది వాళ్లు తనని గ్యాస్ ట్యాంకర్ అంటూ అవహేళన చేశారని చెప్పింది. తాజాగా ఆమె ఓ బీటౌన్ ఎంటర్టైన్మెంట్ పోర్టల్కు ఇంటర్వ్యూ ఇచ్చింది. కెరీర్ ఆరంభమైన సమయంలో శరీరాకృతి పరంగా తాను ఎన్నో విమర్శలు ఎదుర్కొన్నానని చెప్పింది. చూడటానికి లావుగా ఉండటంతో దక్షిణాదిలో చాలామంది తనను గ్యాస్ ట్యాంకర్ అని పిలిచేవారని, అందుకే సన్నగా మారాలని నిర్ణయించుకున్నానని చెప్పింది. ఇప్పుడు ఫిట్ అయ్యానని, తన వృత్తికి నాజుకుగా ఉండటం ఎంతో అవసరమని అర్థమైందని ఆమె చెప్పారు. విమర్శలకు తాను ఏమాత్రం బాధపడలేదని రాశీఖన్నా తెలిపారు.
2013లో విడుదలైన 'మద్రాస్ కేఫ్'తో రాశీఖన్నా హీరోయిన్ గా వెండితెరకు పరిచయమైంది. ఆ తర్వాత 'ఊహలు గుసగుసలాడే' సినిమాతో దక్షిణాది ప్రేక్షకులకు పరిచయమైంది. ఈ సినిమా హిట్ కావడంతో ఆమెకు వరుసగా అవకాశాలు వచ్చాయి. 'జిల్', 'జోరు', 'సుప్రీమ్', 'బెంగాల్ టైగర్' 'హైపర్', 'తొలిప్రేమ', 'వరల్డ్ ఫేమస్ లవర్' వంటి సినిమాల్లో నటించి రాశీఖన్నా మెప్పించింది.
|
|