బ్యూటీ సీక్రెట్ రివీల్ చేసిన అదితీరావ్ హైదరీ
cinema | Suryaa Desk | Published : Thu, Mar 24, 2022, 01:15 PM
అదితీరావ్ హైదరీ....చూడగానే ఆకట్టుకునే ముఖం,ముట్టుకుంటే మాసిపోయేంత అందం ఈమె సొంతం. క్యూట్ ఫేస్ తో అంతకన్నా క్యూట్ ఎక్స్ ప్రెషన్స్ తో ప్రేక్షకులను ఆకట్టుకుంటుంది. అదితీ పుట్టింది హైదేరాబాద్ లోనే. ఇటు సౌత్ తో పాటు నార్త్ లో కూడా సినిమాలు చేస్తున్నా ఇప్పటి వరకు సరైన సక్సెస్ రాలేదు. తెలుగులో సమ్మోహనం, అంతరిక్షం, V ,మహాసముద్రం వంటి సినిమాలతో తెలుగు ప్రేక్షకులను అలరించింది.
ఇటీవల జరిగిన ఒక ఇంటర్వ్యూలో తన అందానికి గల కారణాన్ని బయటపెట్టింది అదితి. "షూటింగ్ నుండి ఇంటికి ఎంత ఆలస్యంగా వచ్చినా తప్పకుండా మేకప్ తీసేసి నిద్రపోతాను. ప్రకృతిసిద్ధమైన ఉత్పత్తులను వాడటమే నా అందానికి గల ప్రధాన కారణం. అంతే కాక ఇంటిలో తయారుచేసే సహజసిద్ధమైన నూనెల వాడకమే నా మేనిఛాయకు కారణం. షూటింగ్ లేకపోతే వీలైనంత వరకు మేకప్ వేసుకోకుండా ఉండేందుకే ప్రయత్నిస్తాను. షాపింగ్ కు వెళ్ళేటప్పుడు కూడా మేకప్ వాడను. కేవలం కాటుక, లిప్స్టిక్ లను మాత్రమే వాడతాను" అంటూ తన బ్యూటీ సీక్రెట్ బయటపెట్టేసింది అదితి.
|
|