రాశీఖన్నా బాలీవుడ్ మూవీ షూటింగ్ ఎండ్ కార్డ్
cinema | Suryaa Desk | Published : Tue, Mar 29, 2022, 12:52 PM
రాశిఖన్నా... మనం సినిమాతో టాలీవుడ్ ప్రేక్షకులను పలకరించింది ఈ ఢిల్లీ బ్యూటీ. ఆ తరవాత వరసగా తెలుగు, తమిళ్,మలయాళం లో సినిమాలు చేస్తూ స్టార్ హీరోయిన్గా కొనసాగుతుంది. అయితే కెరీర్ కి టర్నింగ్ పాయింట్ ఇచ్చే భారీ హిట్ మాత్రం రాశి అందుకోలేకపోయింది.
త్వరలోనే యోధ అనే హిందీ సినిమాతో రాశి బాలీవుడ్ కి హీరోయిన్ గా పరిచయమవనున్నది. సిద్ధార్థ్ మల్హోత్రా హీరోగా ధర్మ ప్రొడక్షన్స్ సంస్థ తెరకెక్కిస్తున్న చిత్రం యోధ. ఈ సినిమాకు సాగర్ అంబ్రె దర్శకత్వం వహిస్తుండగా దిశా పటాని మరో హీరోయిన్ గా నటిస్తుంది. తాజాగా ఈ మూవీ షూటింగ్ కంప్లీట్ చేసినట్లు సోషల్ మీడియా ద్వారా తన అభిమానులకు తెలిపింది రాశి. ఈ మేరకు ఒక ఉద్వేగభరితమైన వ్యాఖ్యలతో, చిత్ర యూనిట్ తో దిగిన కొన్ని ఫోటోలను కూడా పోస్ట్ చేసింది. ఈ మూవీ 11 నవంబర్ 2022న విడుదల కానుంది.
ఇటీవలే అజయ్ దేవగణ్ ప్రధానపాత్రలో వచ్చిన రుద్ర అనే వెబ్ సిరీస్ తో డిజిటల్ డిబట్ చేసింది రాశి. ప్రస్తుతం తెలుగులో నాగచైతన్య సరసన థాంక్యూ సినిమాలో నటిస్తుంది రాశి.
|
|