ట్రెండింగ్
పూజా కార్యక్రమాలతో లాంఛనంగా ప్రారంభమైన రవితేజ 'టైగర్ నాగేశ్వరరావు'
cinema | Suryaa Desk | Published : Sat, Apr 02, 2022, 06:56 PM
వంశీ దర్శకత్వంలో టాలీవుడ్ మాస్ మహారాజా రవితేజ 'టైగర్ నాగేశ్వరరావు' సినిమా ప్రకటించిన సంగతి అందరికి తెలిసిందే. ఈ సినిమాలో బాలీవుడ్ గ్లామర్ బ్యూటీ కృతి సనన్ సోదరి నుపుర్ సనాన్ అండ్ ప్రముఖ మోడల్ గాయత్రీ భరద్వాజ్ హీరోయిన్స్ గా నటించనున్నారు. ఉగాది సందర్భంగా ఈరోజు మేకర్స్ మాదాపూర్లోని హెచ్ఐసిసిలోని నోవాటెల్లో 'టైగర్ నాగేశ్వరరావు' మూవీని ఘనంగా ప్రారంభించారు. ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యారు. మోషన్ పోస్టర్తో పాటు ప్రీ లుక్ పోస్టర్ను కూడా మేకర్స్ విడుదల చేశారు. ఈ సినిమాని తెలుగుతో పాటు తమిళం, హిందీ, మలయాళం, కన్నడ భాషల్లోనూ విడుదల చేసేందుకు మూవీ మేకర్స్ ప్లాన్ చేస్తున్నారు. ఈ సినిమాని అభిషేక్ అగర్వాల్ ఆర్ట్స్ బ్యానర్పై అభిషేక్ అగర్వాల్ నిర్మిస్తున్నారు. జివి ప్రకాష్ కుమార్ ఈ చిత్రానికి సంగీతం అందించారు.
|
|