'గని' ఒక మల్టీస్టారర్ మూవీ - అల్లు అరవింద్
cinema | Suryaa Desk | Published : Thu, Apr 07, 2022, 02:28 PM
నిన్న సాయంత్రం హైదరాబాద్ లో గని సినిమా రిలీజ్ పంచ్ ఈవెంట్ జరిగింది. దానికి హీరో వరుణ్ తేజ్, దర్శకుడు కిరణ్ కొర్రపాటి, అల్లు అరవింద్, కన్నడ సూపర్ స్టార్ ఉపేంద్ర, మిగిలిన చిత్రబృందమంతా హాజరయి విజయవంతం చేసారు. అల్లు అరవింద్ గారు మాట్లాడుతూ... గని సినిమా నాకు మల్టీస్టారర్ మూవీ లాగా అనిపిస్తుంది. ఎందుకంటే.. ఈ సినిమాలో కీలక పాత్రలు పోషించిన జగపతిబాబు, ఉపేంద్ర, సునీల్ శెట్టి అంతకుముందు హీరోలుగా చేసినవారే. కాకపోతే ఈ సినిమాలో వరుణ్ కు సపోర్ట్ గా నిలిచారు. సినిమాలో ఉపేంద్రగారి ఎపిసోడ్ హైలైట్ గా ఉంటుంది. నిన్నంతా హెల్త్ బాగోక బెడ్ పైనే ఉన్న వరుణ్ ను ఈవెంట్ కి రాగలవా అనడిగితే... పాక్కుంటూ అయినా వచ్చేస్తా అంటూ అన్నాడు. దీంతోనే అర్ధమవుతుంది వరుణ్ కి సినిమా పై ఎంతటి ప్యాషన్ ఉందో. షూట్ అయిపోయిన తర్వాత వెళ్లిపోకుండా నిర్మాతలతో కలిసి ట్రావెల్ చేసి ఒకరకంగా ఈ సినిమాకు నిర్మాతగా కూడా వ్యవహరించాడు.... అంటూ చెప్పుకొచ్చారు. థమన్ సంగీతం అందించిన ఈ సినిమాలో సయీ మంజ్రేకర్ హీరోయిన్ కాగా, అల్లు బాబీ, సిద్దూ ముద్దా కలిసి నిర్మించారు. కాగా ఈ సినిమా రేపు విడుదలకానుంది.
|
|