భారీ చిత్రాల విడుదల సమయంలో...అశోకవనంలో అర్జున కల్యాణం విడుదల
cinema | Suryaa Desk | Published : Sat, Apr 16, 2022, 10:25 PM
భారీ హీరోల చిత్రాలు వస్తే చిన్న చిన్న సినిమాల విడుదల ఆగిపోతుంది. కానీ అశోకవనంలో అర్జున కల్యాణం మాత్రం సాహసోపేతంగా విడుదల చేస్తున్నారు. మొదటి నుంచి కూడా మాస్ కంటెంట్ ఎక్కువగా ఉన్న కథలను చేస్తూ విష్వక్సేన్ ముందుకు వెళుతున్నాడు. ఈ తరహా కథల్లో ప్రేక్షకుల నుంచి ఆయనకి మంచి ఆదరణ లభించింది. అయితే ఇక ఫ్యామిలీ ఆడియన్స్ నుంచి కూడా మంచి మార్కులను కొట్టేయాలనే ఉద్దేశంతో ఆయన రూట్ మార్చాడు. ఆ ప్రయత్నంలో భాగంగా చేసిన సినిమానే 'అశోకవనంలో అర్జున కల్యాణం'.
బాపినీడు - సుధీర్ నిర్మించిన ఈ సినిమాకి విద్యాసాగర్ చింతా దర్శకత్వం వహించాడు. ఇది గ్రామీణ నేపథ్యంలో రూపొందిన కథ. లవ్ తో కూడిన ఫ్యామిలీ ఎంటర్టయినర్. ఈ సినిమాను ఈ నెల 22వ తేదీన విడుదల చేయవలసి ఉంది. కానీ తాజాగా ఈ నెల 30వ తేదీకి వాయిదా వేశారు.
నిజానికి ఈ నెల 22వ తేదీ విడుదలకి మంచి సమయమే. అప్పటికి తెలుగు రాష్ట్రాల్లో 'కేజీఎఫ్ 2' ఉద్ధృతి తగ్గుతుంది. అలా కాకుండా ఈ సినిమాను తీసుకెళ్లి 30వ తేదీలో వేశారు. అంతకుముందు రోజే 'ఆచార్య' విడుదలవుతుంది. ఈ సినిమాపై భారీ అంచనాలు ఉన్నాయి. అలాంటి సినిమా తరువాత రోజునే బరిలోకి దిగడమంటే అది విష్వక్ సేన్ చేస్తున్న సాహసమే అవుతుంది.
|
|