'భళా తందననా' ట్రైలర్ అవుట్
cinema | Suryaa Desk | Published : Mon, May 02, 2022, 12:03 PM
చైతన్య దంతులూరి దర్శకత్వంలో టాలీవుడ్ యంగ్ అండ్ టాలెంటెడ్ హీరో శ్రీవిష్ణు ఒక సినిమా చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి 'భళా తందనానా' అనే టైటిల్ ని మేకర్స్ లాక్ చేసారు. ఈ సినిమాలో శ్రీవిష్ణు సరసన కేథరిన్ థ్రెసా జంటగా నటిస్తుంది. ఈ సినిమాని మే 6, 2022న థియేటర్లలో విడుదల చేయనున్నట్లు మూవీ మేకర్స్ ప్రకటించారు. తాజాగా ఈ సినిమా థియేట్రికల్ ట్రైలర్ను మూవీ మేకర్స్ విడుదల చేశారు. ఈ ట్రైలర్ ఫుల్ ఇంటెన్స్ గా మరియు థ్రిల్లింగ్గా కనిపిస్తుంది. ఈ సినిమా ట్రైలర్ ప్రేక్షకులని బాగా ఆకట్టుకుంటుంది. కేజీఎఫ్ ఫేమ్ రామచంద్రరాజు ఈ సినిమాలో విలన్గా నటించారు. సత్య, శ్రీనివాస్ రెడ్డి, పోసాని కృష్ణ మురళి, ఆదర్శ్ బాలకృష్ణ తదితరులు ఈ సినిమాలో కీలక పాత్రలో కనిపించనున్నారు. వారాహి చలనచిత్రం పతాకంపై రజనీ కొర్రపాటి ఈ మూవీని నిర్మిస్తున్నారు. ఈ చిత్రానికి మణిశర్మ సంగీతం అందించారు.
|
|