'అశోక వనంలో అర్జున కళ్యాణం' ప్రీ-రిలీజ్ ఈవెంట్ డేట్ లాక్
cinema | Suryaa Desk | Published : Mon, May 02, 2022, 12:09 PM
యంగ్ అండ్ టాలెంటెడ్ హీరో విశ్వక్ సేన్, విద్యాసాగర్ చింతా దర్శకత్వం వహించిన "అశోక వనంలో అర్జున కళ్యాణం" అనే చిత్రంతో ప్రేక్షకుల ముందుకు రాబోతున్నాడు. విశ్వక్ సేన్ సరసన ఈ సినిమాలో రుక్సార్ ధిల్లాన్ జంటగా నటించింది. ఈ రొమాంటిక్ కామెడీ సినిమా మే 6, 2022న థియేటర్లలో విడుదల కానుంది. ఈ సినిమా ప్రోమోలు సినీ ప్రేమికులను ఎంతగానో ఆకట్టుకున్నాయి. తాజా రిపోర్ట్స్ ప్రకారం, రొమాంటిక్ కామెడీ ఎంటర్టైనర్ ట్రాక్ లో రానున్న ఈ సినిమా ప్రీ-రిలీజ్ ఈవెంట్ మే 3, 2022న సాయంత్రం 6 గంటల నుండి జరుగుతుందని మూవీ మేకర్స్ ప్రకటించారు. ఖమ్మంలోని లేక్వ్యూ క్లబ్లో ఈ కార్యక్రమం జరగనుంది అని సమాచారం. ఈ చిత్రంలో కాదంబరి కిరణ్, గోపరాజు రమణ, కేదార్ శంకర్ తదితరులు ముఖ్య పాత్రలు పోషించారు. ఈ చిత్రానికి జై క్రిష్ సంగీతం అందించారు. మాస్ కా దాస్ విశ్వక్ సేన్ ప్రస్తుతం తన కొత్త సినిమా 'దస్ కా ధుమ్కీ' షూటింగ్లో బిజీగా ఉన్నాడు.
|
|