'తలపతి 66' సినిమా కోసం భారీ సెట్
cinema | Suryaa Desk | Published : Wed, May 04, 2022, 05:09 PM
తమిళ స్టార్ హీరో తలపతి విజయ్, వంశీ పైడిపల్లి దర్శకత్వంలో సినిమా చేయనున్న సంగతి అందరికి తెలిసిందే. ఈ సినిమాకి టెంపరరీగా "తలపతి66" అని టైటిల్ ని మేకర్స్ లాక్ చేసారు. ఈ సినిమాలో విజయ్ సరసన కన్నడ బ్యూటీ రష్మిక జంటగా నటిస్తుంది. ఈ తెలుగు-తమిళ సినిమా చెన్నైలో పూజా కార్యక్రమాలతో అధికారికంగా ప్రారంభించబడింది. ప్రస్తుతం ఈ సినిమా షూటింగ్ హైదరాబాద్లో జరుగుతోంది. లేటెస్ట్ అప్డేట్ ప్రకారం, చెన్నైలో ఒక చిన్నషెడ్యూల్ను ముగించిన తర్వాత ఈరోజు ఉదయం హైదరాబాద్లో ఈ సినిమా షూటింగ్ ప్రారంభమైంది. ఈ చిత్రం కోసం అన్నపూర్ణ స్టూడియోస్ లో ఏడు ఎకరాల్లో భారీ ఖర్చుతో ఇంటి సెట్ ని మూవీ మేకర్స్ నిర్మించినట్టు వార్తలు వినిపిస్తున్నాయి. ప్రస్తుతం అదే సెట్లో షూటింగ్ జరుగుతున్నట్లు సమాచారం. ఈ సినిమాకి సెన్సషనల్ మ్యూజిక్ డైరెక్టర్ థమన్ ఎస్ సంగీతం అందిస్తున్నారు. దిల్ రాజు అండ్ శిరీష్ శ్రీ వెంకటేశ్వర క్రియేషన్స్పై ఈ సినిమాని నిర్మించనున్నారు.
|
|