శ్రీవిష్ణు 'భళా తందననా' పెద్ద హిట్ కావాలి - రాజమౌళి
cinema | Suryaa Desk | Published : Wed, May 04, 2022, 05:20 PM
చైతన్య దంతులూరి దర్శకత్వంలో టాలీవుడ్ యంగ్ అండ్ టాలెంటెడ్ హీరో శ్రీవిష్ణు,ఒక సినిమా చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి 'భళా తందనానా' అనే టైటిల్ ని మేకర్స్ లాక్ చేసారు. ఈ సినిమాలో శ్రీవిష్ణు సరసన కేథరిన్ థ్రెసా జంటగా నటిస్తుంది. ఈ సినిమాని మే 6, 2022న థియేటర్లలో విడుదల చేయనున్నట్లు మూవీ మేకర్స్ ప్రకటించారు. తాజాగా హైదరాబాద్లో గ్రాండ్గా ఈ సినిమా ప్రీ-రిలీజ్ ఈవెంట్ జరిగింది. ఈ ఈవెంట్ కి ముఖ్య అతిథిగా హాజరైన ప్రముఖ దర్శకుడు ఎస్ఎస్ రాజమౌళి హీరో శ్రీవిష్ణుపై ప్రశంసల వర్షం కురిపించారు. 'బాణం సినిమా చూశాను. పేరుకు చిన్న సినిమానే అయినా ఎక్కడా ప్రేక్షకులకు అలా అనిపించలేదు. ఇప్పుడు ఈ సినిమా చిన్న సినిమాలా కనిపించడం లేదు. చిన్న సినిమాలను పెద్ద సినిమాలు చేస్తూ ఆటిట్యూడ్ ని ప్రదర్శిస్తున్నాడు' అన్నారు. కేజీఎఫ్ ఫేమ్ రామచంద్రరాజు ఈ సినిమాలో విలన్గా నటించారు. సత్య, శ్రీనివాస్ రెడ్డి, పోసాని కృష్ణ మురళి, ఆదర్శ్ బాలకృష్ణ తదితరులు ఈ సినిమాలో కీలక పాత్రలో కనిపించనున్నారు. వారాహి చలనచిత్రం పతాకంపై రజనీ కొర్రపాటి ఈ మూవీని నిర్మిస్తున్నారు. ఈ చిత్రానికి మణిశర్మ సంగీతం అందించారు.
|
|