అప్పుడే నా భార్యతో కలిసి స్టేజి షోలు చేస్తా : తమన్
cinema | Suryaa Desk | Published : Thu, May 19, 2022, 10:50 AM
టాలీవుడ్ స్టార్ మ్యూజిక్ డైరెక్టర్లలో ఎస్. తమన్ ఒకరు. గత కొద్దిరోజులుగా ఇండస్ట్రీలో తమన్ పేరు ఎక్కువగా వినిపిస్తుంది. సూపర్ హిట్ మ్యూజిక్ ఆల్బమ్ లని, అదిరిపోయే ఆర్ ఆర్ లను ఇస్తూ మోస్ట్ హ్యాపెనింగ్ కంపోజర్ గా చాలా బిజీగా గడుపుతున్నాడు. ఇటీవల తమన్ మ్యూజిక్ అందించిన అఖండ, భీమ్లానాయక్, రాధేశ్యామ్ (ఆర్ ఆర్), డీజే టిల్లు (ఆర్ ఆర్) సినిమాలు బాక్సాఫీస్ వద్ద భారీవిజయాన్ని నమోదు చేసాయి. ఈ సినిమాలలో తమన్ అందించిన పాటలు చార్ట్ బస్టర్ గా నిలిచాయి. తాజాగా సర్కారువారిపాట సినిమాకు తమన్ సంగీతం అందించగా, ఆ సినిమా కూడా సూపర్ హిట్ టాక్ తో రన్ అవుతుంది. SVP విడుదలవక ముందే ఆ మూవీ మ్యూజిక్ ఆల్బమ్ సూపర్ హిట్ టాక్ తెచ్చుకుంది. ప్రస్తుతం SVP సక్సెస్ జోష్ ను ఎంజాయ్ చేస్తున్న తమన్ ఒక ఇంటర్వ్యూలో మాట్లాడుతూ తన మనసులోని మాటను బయటపెట్టాడు. తన భార్యతో కలిసి స్టేజి షోలు చెయ్యాలని తమన్ ఆశపడుతున్నాడు. తమన్ భార్య శ్రీవర్ధని. ఆమె ఒక ప్లే బ్యాక్ సింగర్. ఆమె గతంలో మణిశర్మ, యువన్ శంకర్ రాజా వద్ద కొన్ని పాటలు పాడింది. తమన్ మ్యూజిక్ డైరెక్షన్లో కూడా నాలుగు పాటలు పాడింది. అయితే, ఇప్పటివరకు ఆమెకు తగిన గుర్తింపు రాలేదు. రెండు, మూడు హిట్ సాంగ్స్ తో ప్రేక్షకుల్లో మంచి గుర్తింపు తెచ్చుకున్న తర్వాతనే తన కోరికను తీర్చుకోవాలని తమన్ కోరుకుంటున్నారు. మరి తమన్ చిరకాల కోరిక ఎప్పటికి నెరవేరుతుందో?
|
|