ఆసుపత్రిలో బిగ్ బి.. క్లారిటీ ఇచ్చిన అమితాబ్
cinema | Suryaa Desk | Published : Sat, Mar 16, 2024, 12:41 PM
బాలీవుడ్ బిగ్ బి అమితాబ్ బచ్చన్ అనారోగ్యంతో హాస్పిటల్ లో జాయిన్ అయ్యినట్లు వార్తలు వినిపిస్తున్నాయి. అయితే ఈ వార్తలను అమితాబ్ ఖండించారు. శుక్రవారం ఇండియన్ స్ట్రీట్ ప్రీమియర్ లీగ్ ఫైనల్ మ్యాచ్‌కు హాజ‌రైన అమితాబ్‌ను ఆరోగ్యం గురించి మీడియా ప్రశ్నించగా.. తాను ఆసుపత్రిలో చేరినట్లు వ‌స్తున్న వార్తలు అబ‌ద్దమని, అలాంటి వార్తలను ఎవ‌రు న‌మ్మ‌కండి అంటూ తెలిపారు. దీంతో ఆయన ఫ్యాన్స్‌ ఊపిరి పీల్చుకున్నారు.
ఆయన్ను చూసిన మీడియా ఆయన ఆరోగ్యం గురించి మాట్లాడింది. దీంతో తాను చాలా ఆరోగ్యంగా ఉన్నానని చెప్పారు. మార్చి 15న, యాంజియోప్లాస్టీ చేయించుకోవడానికి అమితాబ్ బచ్చన్ ముంబైలోని కోకిలాబెన్ ఆసుపత్రిలో చేరినట్లు వార్తలు వచ్చాయి. అయితే బిగ్ బి సోషల్ మీడియాలో యాక్టివ్‌గా ఉంటారు. అతను ఇటీవల వ్రాసాడు, "ఎప్పటికీ కృతజ్ఞతతో." అమితాబ్ ఆరోగ్యానికి ఎలాంటి ఇబ్బంది లేదని చెప్పేందుకే ఈ పోస్ట్ పెట్టారని అభిమానులు భావించారు. వాళ్లు అనుకున్నదే జరిగింది.
|
|