ట్రెండింగ్
ప్రభుదేవా, ఏ. ఆర్‌. రెహమాన్‌ కలయికలో మరో సినిమా
cinema | Suryaa Desk | Published : Sun, Mar 24, 2024, 02:51 PM
సూపర్‌ హిట్‌ కాంబినేషన్లు ఎప్పుడెప్పుడు రిపీట్‌ అవుతుంటాయా అని ప్రేక్షకులు ఎదురుచూస్తుంటారు. అలాంటి వాటిలో ప్రభుదేవా, ఏ. ఆర్‌. రెహమాన్‌ కలయిక ఒకటి. దాదాపు 25 ఏళ్ల తర్వాత మళ్లీ ఈ హిట్‌ కాంబో ప్రేక్షకులను పలకరించనుంది. ఇది వీరిద్దరి కలయికలో వస్తున్న ఆరో చిత్రం కావడం విశేషం. ఈ చిత్రానికి వర్కింగ్‌ టైటిల్‌ ‘ఏఆర్‌ఆర్‌పీడీ6’. ఎన్‌. ఎస్‌. మనోజ్‌ స్వీయ దర్శకత్వంలో నిర్మిస్తున్నారు. యోగిబాబు, అజు వర్ఘీస్‌, అర్జున్‌ అశోకన్‌ కీలక పాత్రలు పోషిస్తున్నారు. వైవిధ్యమైన కథాంశంతో, పాన్‌ ఇండియా స్థాయిలో ఈ చిత్రం తెరకెక్కుతోంది. మే నుంచి రెగ్యులర్‌ షూటింగ్‌ ప్రారంభించడానికి మేకర్స్‌ సన్నాహాలు చేస్తున్నారు.
|
|