నేడు చిలుకూరు బాలాజీ దేవాలయం మూసివేత
Telangana Telugu | Suryaa Desk | Published : Tue, Mar 03, 2026, 10:30 AM
చంద్రగ్రహణం కారణంగా చిలుకూరు బాలాజీ దేవాలయం మూసివేయనున్నట్లు ఆలయ అధికారులు తెలిపారు.నేడు ఏర్పడనున్న చంద్రగ్రహణం కారణంగా ఈ నిర్ణయం తీసుకున్నట్లు ఆలయ పూజారులు అధికారికంగా ప్రకటించారు. గ్రహణ సమయాల్లో ఆలయాలను మూసివేసే సంప్రదాయం ప్రకారం, భక్తుల సౌకర్యార్థం ముందస్తుగా ఈ సమాచారాన్ని వెల్లడించారు. చంద్రగ్రహణం సందర్భంగా మంగళవారం ఉదయం నుండే ఆలయ ద్వారాలు మూసివేసి ఉంచుతారు. మంగళవారం ఉదయం నుండి రాత్రి వరకు భక్తులకు బాలాజీ దర్శనం ఉండదు.గ్రహణ సమయంలో ఆలయ గర్భాలయంలోకి ఎవరినీ అనుమతించబోమని, నిత్య కైంకర్యాలు, ప్రత్యేక పూజలు నిలిపివేస్తున్నట్లు ఆలయ అర్చకులు ఒక ప్రకటనలో తెలిపారు. గ్రహణ ప్రభావం ముగిసిన తర్వాత ఆలయాన్ని నేరుగా తెరవకుండా, శాస్త్రోక్తంగా శుద్ధి కార్యక్రమాలు నిర్వహిస్తారు. బుధవారం ఉదయం 6 గంటలకు ఆలయంలో ప్రత్యేక శుద్ధి, సంప్రోక్షణ కార్యక్రమాలను చేపడతారు.
|
|