వైసీపీ అబద్దాలు చెబుతోంది.. మంత్రి సత్యకుమార్ ఆగ్రహం
Andhra Pradesh Telugu | Suryaa Desk | Published : Sat, Nov 16, 2024, 09:25 PM
రాష్ట్రంలో నూతన మెడికల్ కాలేజీల నిర్మాణంపై మండలిలో జరిగిన చర్చ అధికార.. ప్రతిపక్ష సభ్యుల మధ్య సవాళ్లు.. ప్రతిసవాళ్లకు దారితీసింది. గత ప్రభుత్వం పేదలకు నాణ్యమైన విద్య అందకుండా చేసిందని అధికారపక్షం ఆరోపించింది.. గత ఐదేళ్లలో వైద్య కళాశాలల నిర్మాణంలో చోటుచేసుకున్న జాప్యం వల్ల రాష్ట్రానికి రావాల్సిన 700 వైద్య సీట్లు కోల్పోవాల్సి వచ్చిందని టీడీపీ ఎమ్మెల్సీలు ఆరోపించారు. నూతన వైద్య కళాశాలలపై వైఎస్సార్‌సీపీ ఎమ్మెల్సీలు సాగిస్తున్న తప్పుడు ప్రచారాన్ని నిలిపేయాలన్నారు మంత్రి సత్యకుమార్. ఆయా కళాశాలల నిర్మాణానికి గత ప్రభుత్వం చేసిన ఖర్చుల గణాంకాలను సభలో వివరించారు. గతప్రభుత్వం గత ఐదేళ్లలో వైద్య కళాశాలలను ఎందుకు పూర్తిచేయలేదు? అని ప్రశ్నించారు. పులివెందులతో పాటు మార్కాపురం, ఆదోని, మదనపల్లె కళాశాలల్లో తగిన మౌలిక సదుపాయాలు లేకపోవడంతోనే జాతీయ వైద్యమండలి సీట్ల భర్తీకి అనుమతులు నిరాకరించింది అన్నారు. మంత్రి వాస్తవాలు చెప్పడం లేదంటూ వైఎస్సార్‌సీపీ ఎమ్మెల్సీలు సభ నుంచి వాకౌట్‌ చేశారు.
|
|