వైఎస్ జగన్‌పై ఎమ్మెల్యే తీవ్ర వ్యాఖ్యలు.. ఆపాలంటూ బెల్ కొట్టిన రఘురామ
Andhra Pradesh Telugu | Suryaa Desk | Published : Sat, Nov 16, 2024, 10:53 PM
బీజేపీ ఎమ్మెల్యే, విశాఖపట్నం ఉత్తరం శాసనసభ్యుడు విష్ణుకుమార్ రాజు.. వైసీపీ అధినేత వైఎస్ జగన్ మోహన్ రెడ్డిపై తీవ్ర స్థాయిలో విరుచుకుపడ్డారు. ఏపీ అసెంబ్లీ బడ్జెట్ సమావేశాలు కొనసాగుతున్నాయి. ఈ క్రమంలోనే శనివారం నాటి ప్రశ్నోత్తరాల సమయంలో వైఎస్ జగన్ మీద విష్ణుకుమార్ రాజు తీవ్రస్థాయిలో మండిపడ్డారు. పనులు చేసిన తర్వాత సకాలంలో బిల్లులు చెల్లించకపోవటంతో గత వైసీపీ ప్రభుత్వం హయాంలో 43 మంది ఆత్మహత్య చేసుకున్నారని విష్ణుకుమార్ రాజు ఆరోపించారు. 1983 నుంచి తాను కాంట్రాక్టు పనులు చేస్తున్నానన్న విష్ణుకుమార్ రాజు.. ఇంత దుర్మార్గమైన ప్రభుత్వాన్ని ఎన్నడూ చూడలేదన్నారు. వైఎస్ జగన్ పెట్టిన బాధలకు తానైతే పది సార్లు ఆత్మహత్య చేసుకోవాల్సి వచ్చేదంటూ తీవ్ర వ్యా్ఖ్యలు చేశారు. భూమి మీద జగన్ అనే వ్యక్తి ఉన్నంత కాలం ఆంధ్రప్రదేశ్ సర్వనాశనమవుతుందంటూ విష్ణుకుమార్ రాజు ఘాటు వ్యాఖ్యలు చేశారు.
|
|