మార్కెట్ రంగంలో బిగ్ ఫైట్....పోటీ అనకా ఆ కాస్త ఉండాలి మరి

మొబైల్ ఇంటర్నేట్ రంగంలో రాణించాలంటే ఆ మాత్రం సాహసం చేయాలి మరి. కంపెనీలు ఎంత తెలివినీ ప్రదర్శిస్తున్నాయో కస్టమర్లు కూడా అంతే తెలివీ ప్రదర్శిస్తున్నారు. ఏ కంపెనీ తక్కువ  ధరకు ఇస్తే ఆ కంపెనీ వెంట  పరుగెడుతాడు కష్టమర్. ఇదిలావుంటే ఇటీవల కాలంలో అన్ని కంపెనీలు తమ  మొబైల్ ఇంటర్నేట్ ప్రీమియంను పెంచేసిన విషయం తెలిసిందే. కొత్త ప్రీపెయిడ్ ప్లాన్‌లను వరుసగా ప్రవేశపెడుతున్నాయి. ప్లాన్‌ల ధరలను పెంచిన తర్వాత వాటికి అనుగుణంగా కొత్త వాటికి అనుగుణంగా ఇటీవల వొడాఫోన్ ఐడియా , రిలయన్స్ జియో కొత్త ప్లాన్‌లను ప్రవేశపెట్టగా ఇప్పుడు ఎయిర్‌టెల్‌ ఆ జాబితాలో చేరింది.

77రోజుల వ్యాలిడిటీతో కొత్త ప్లాన్‌ ప్రవేశపెట్టింది ఎయిర్‌టెల్‌. డేటా, అన్‌లిమిటెడ్ కాల్స్, ఎస్ఎంఎస్ బెనిఫిట్లతో దీన్ని తీసుకొచ్చింది. ఇటీవల వొడాఫోన్ ఐడియా (Vi) సైతం ఇదే కాలపరిమితితో ఓ ప్లాన్‌ తెచ్చింది.  రూ.666 ప్లాన్‌ను నూతనంగా తీసుకొచ్చింది ఎయిర్‌టెల్‌. ఈ ప్లాన్‌తో రీచార్జ్ చేసుకుంటే రోజుకు 1.5జీబీ డేటా, అన్ లిమిటెడ్ కాల్స్, రోజుకు 100 ఎస్ఎంఎస్ లు లభిస్తాయి. ఈ ప్లాన్‌ వ్యాలిడిటీ 77 రోజులుగా ఉంది. రోజులో కేటాయించిన డేటా అయిపోతే ఆ తర్వాత 64కేబీపీఎస్ స్పీడ్ తో ఇంటర్నెల్ వాడుకోవచ్చు. ఈ ప్లాన్‌ తీసుకుంటే వింక్ మ్యూజిక్ సబ్ స్క్రిప్షన్, ఉచిత హలో ట్యూన్ సదుపాయం పొందవచ్చు. అలాగే ఫాస్టాగ్ పై రూ.100 క్యాష్ బ్యాక్ ఇస్తోంది ఎయిర్‌టెల్‌.  వొడాఫోన్ ఐడియా కూడా ఇటీవల రూ.666 ప్లాన్‌ ప్రవేశపెట్టింది. ఈ ప్లాన్‌తో రీచార్జ్ చేసుకుంటే రోజుకు 1.5జీబీ డేటా, అన్ లిమిటెడ్ కాల్స్, రోజుకు 100 ఎస్ఎంఎస్ లు అందిస్తోంది. 77 రోజుల వ్యాలిడిటీ ఉంటుంది. వీటితో పాటు అర్ధరాత్రి 12 నుంచి ఉదయం 6 గంటల వరకు ఎంతైనా డేాటా వినియోగించుకునే బింగే ఆల్ నైట్, సోమవారం నుంచి శుక్రవారం వరకు వినియోగించని డేటాను వారాంతాల్లో ఇచ్చే వీకెండ్ రోల్ఓవర్ ఫీచర్లను వీ అందిస్తోంది. అచ్చం ఇదే ధరతో కొత్త ప్లాన్‌ను ఎయిర్‌టెల్‌ తీసుకొచ్చింది.