ఆరంభంలోనూ దుమ్ము రేపిన...హెచ్‌డీఎఫ్‌సీ షేర్

ప్రతికూల పరిస్థితుల్లోనూ  హెచ్‌డీఎఫ్‌సీ షేరు ధర దుమ్మురేపింది. నిఫ్టీ హెవీ వెయిట్ షేరు హెచ్‌డీఎఫ్‌సీ షేరు ధర ఆరంభంలోనే తన సత్తా చాటింది. మార్కెట్ ఒడిదుడుకుల్లో ఉన్నా కూడా 3 శాతానికి పైగా పరుగులు పెట్టింది. సోమవారం షేరు ధర సెషన్ జరిగే కొద్ది మెరుగుపడుతూనే వస్తోంది. ఈ షేరు గత కొన్ని వారాలుగా నిరుత్సాహానికి గురి చేస్తూనే వస్తోంది. ఈ స్టాక్ ధర ఇటీవల స్వింగ్ హై నుంచి ఏకంగా 30 శాతం పతనమైంది. ఎఫ్ఐఐల విక్రయాల ప్రభావం ఈ షేరుపై గట్టిగానే పడింది. లైఫ్ టైమ్ గరిష్ట స్థాయి రూ. 3021 నుంచి షేరు ధర దాదాపు 35 శాతం మేర క్షీణించింది. టెక్నికల్ పారామీటర్స్ మధ్యస్థ కాలంలో బేరిష్‌నెస్‌ను సూచిస్తున్నాయి. అయితే 14 పీరియడ్ డెయిలీ ఆర్ఎస్ఐ (41.38) ఓవర్ సోల్డ్ జోన్ నుంచి బాగా పెరిగింది. నెగటివ్ హిస్టోగ్రామ్ కూడా కొద్దిగా తగ్గింది. అంటే డౌన్ ట్రెండ్ బలహీనమైందని అర్థం చేసుకోవాలి. అంతేకాకుండా కేఎస్‌టీ, టీఎస్ఐ ఇండికేటర్లు కూడా షేరు పనితీరులో మెరుగుదలను సూచిస్తున్నాయి.

 అంతేకాకుండా ఈ షేరు టెక్నికల్ చార్ట్‌లో మార్నింగ్ స్టార్ ప్యాట్రన్‌ను ఏర్పరచింది. ఇది బుల్లిష్ ప్యాట్రన్. 52 వారాల కనిష్ట స్థాయి రూ. 2026కి పడిపోయిన తర్వాత షేరు ధరలో కొంత మొమెంటమ్ ప్రారంభం అయ్యింది. రెండు ట్రేడింగ్ సెషన్లలోనే షేరు 5 శాతానికి పైగా పరుగులు పెట్టింది. వాల్యూమ్స్ కూడా పైకి చేరాయి. షేరు మళ్లీ పుంజుకోవచ్చనే సంకేతాలు ఉన్నాయి. టెక్నికల్ చార్ట్ ప్రకారం చూస్తే షేరు ధర పెరిగేందుకు రెడీగా ఉంది. అయితే షేరు 20 రోజుల మూవింగ్ యావరేజ్ రూ. 2222కు పైన స్థిరపడాల్సి ఉంటుంది. ఇదే జరిగితే షేరు ధర మధ్యస్థ కాలంలో తర్వాత రూ. 2,300కు, అటుపైన రూ. 2,500కు చేరొచ్చు. ట్రేడర్లు ఈ షేరును గమనిస్తూ ఉండాలి. మంచి రాబడి పొందొచ్చు.