క్రిప్టో కరెన్సీకి మంచి రోజులు వస్తున్నాయ్...మళ్లీ పుంజుకొంటోంది

ఇక క్రిప్టో కరెన్సీ కోలుకోవడం కష్టమేనని భావించినవారందరికీ షాక్ ఇచ్చేలాంటి వార్త ఇంది. క్రిప్టో కరెన్సీకి మంచి రోజులు వస్తున్నట్లు కనిపిస్తోంది. తాజాగా క్రిప్టో మార్కెట్ నష్టాలకు బ్రేకులు పడ్డాయి. గత కొన్ని రోజులుగా పతనం అవుతూ వచ్చిన క్రిప్టో మార్కెట్ ఈరోజు కోలుకుంది. పైకి కదిలింది. జూన్ 20న చాలా వరకు క్రిప్టో కరెన్సీలు లాభాల్లోనే కదలాడుతున్నాయి. గ్లోబల్ క్రిప్టో మార్కెట్ గడిచిన 24 గంటల్లో 6.97 శాతం పెరిగింది. 875.48 బిలియన్ డాలర్లకు చేరింది. మరోవైపు మొత్తం క్రిప్టో మార్కెట్ వాల్యూమ్ మాత్రం 11.16 శాతం క్షీణతతో 79.28 బిలియన్ డాలర్లకు తగ్గింది. మొత్తం డెఫి వాల్యూమ్ 5.77 బిలియన్ డాలర్లుగా ఉంది. ఇది మొత్తం క్రిప్టో మార్కె్ట్‌లో 7.28 శాతానికి సమానం. అన్ని స్టేబుల్ కాయిన్స్ వాల్యూమ్ 68.63 బిలియన్ డాలర్లుగా ఉంది. క్రిప్టో మార్కెట్‌లో ఇది 86.56 శాతానికి సమానం.

బిట్ కాయిన్ రేటు దాదాపు రూ. 16.6 లక్షల వద్ద కదలాడుతోంది. ప్రపంచంలోనే అత్యంత పాపులర్ అయిన ఈ క్రిప్టో కరెన్సీ ధర 8 శాతానికి పైగా పెరిగింది. అలాగే దీని మార్కెట్ వాటా 43.37 శాతంగా ఉంది. ఇందులో గడిచిన 24 గంటల్లో 0.42 శాతం పెరుగుదల నమోదు అయ్యింది. బిట్ కాయిన్ మాదిరిగానే ఇతర ప్రముఖ క్రిప్టో కరెన్సీలు అన్నీ కూడా దాదాపు లాభాల్లోనే కదలాడుతున్నాయి.

రెండో మోస్ట్ పాపులర్ క్రిప్టో కరెన్సీ ఇథీరియం రేటు కూడా పైపైకి కదిలింది. దీని రేటు ఏకంగా 10.9 శాతం పరుగులు పెట్టింది. రూ. 89,083 వద్ద ట్రేడ్ అవుతోంది. కార్డానో రేటు కూడా 5 శాతానికి పైగా పెరిగింది. రూ. 38.99 వద్ద కదలాడుతోంది. బినాన్స్ కాయిన్ రేటు 7.6 శాతం పైకి చేరింది. రూ. 17,334 వద్ద ట్రేడ్ అవుతోంది. ఎక్స్ఆర్‌పీ రేటు 5.09 శాతం పెరిగింది. రూ. 26.59 వద్ద ఉంది. ఇంకా పోల్కడోట్ రేటు 2.55 శాతం పైకి చేరింది. రూ. 602 వద్ద కదలాడుతోంది. అలాగు డోజికాయిన్ రేటు 11.7 శాతం ర్యాలీ చేసింది. దీని ధర రూ. 4.84 ఎగసింది. అయితే టెథర్ రేటు మాత్రం కాస్త దిగివచ్చింది. దీని ధర 0.56 శాతం తగ్గింది. రూ. 82.9 వద్ద ఉంది. కాగా మరోవైపు బిట్‌ఒయాసిస్ అనే కంపెనీ 9 మంది ఉద్యోగులను తొలగిస్తున్నట్లు ప్రకటించింది. అరబ్ ఎమిరేట్స్ కేంద్రంగా పని చేస్తున్న క్రిప్టో కరెన్సీ ఎక్స్చేంజ్ ఇది. క్రిప్టో మార్కెట్ పతనం ఇందుకు కారణం. కాగా ఇప్పటికే మరో క్రిప్టో కరెన్సీ ఎక్స్చేంజ్ కాయిన్‌బేస్ కూడా1000 మంది ఉద్యోగులను తొలగిస్తున్నట్లు వెల్లడించిన విషయం తెలిసిందే.