ట్రెండింగ్
మొక్కలు నాటిన ఆర్ ఆర్ ఆర్ బృందం
cinema | Suryaa Desk | Published : Wed, Mar 23, 2022, 04:54 PM
రాష్ట్ర, దేశ పర్యావరణాన్ని సంరక్షించాలనే దృఢమైన సంకల్పంతో రాజ్యసభ ఎంపీ జోగినపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్ విజయవంతంగా కొనసాగుతుంది. ఎంతోమంది సినీ,రాజకీయ ప్రముఖులు ఈ గ్రీన్ ఇండియా ఛాలెంజ్ ను స్వీకరించి మొక్కలు నాటారు. ఆర్ ఆర్ ఆర్ ప్రొమోషన్స్ లో భాగంగా కొన్ని రోజుల నుండి దేశవ్యాప్తంగా పర్యటనలు చేస్తున్న ఆర్ ఆర్ ఆర్ చిత్రబృందం కూడా గ్రీన్ ఇండియా ఛాలెంజ్ లో భాగంగా హైదరాబాద్ లోని గచ్చిబౌలి లో మొక్కలు నాటారు. ఆర్ ఆర్ ఆర్ చిత్ర దర్శకుడు రాజమౌళి, టాలీవుడ్ స్టార్ హీరోలు జూనియర్ ఎన్టీయార్, రామ్ చరణ్ తేజ్ లు మొక్కలు నాటి ఈ గ్రీన్ ఇండియా ఛాలెంజ్ దేశవ్యాప్తంగా విస్తరించి మరింత విజయవంతం కావాలని ఆకాంక్షించారు.
|
|