మహానటితో జతకట్టనున్న మహానుభావుడు
cinema | Suryaa Desk | Published : Thu, Mar 24, 2022, 04:24 PM
టాలీవుడ్ యువ నటుడు, టాలెంటెడ్ హీరో శర్వానంద్ ఇటీవలే ఆడవాళ్ళూ మీకు జోహార్లు సినిమాతో ప్రేక్షకుల ముందుకు వచ్చాడు. భారీ అంచనాల నడుమ విడుదలైన ఈ సినిమా ఆశించిన స్థాయి విజయమందుకోలేదు. శర్వా కి లాస్ట్ హిట్ మహానుభావుడనే చెప్పాలి. ఆ తరవాత చేసిన పడి పడి లేచే మనసు, రణరంగం, జాను, శ్రీకారం, మహాసముద్రం... ఏవీ కూడా మంచి విజయాన్నందుకోలేదు. దీంతో విజయం కోసం తపిస్తున్నాడు శర్వానంద్.
శ్రీ కార్తీక్ దర్శకత్వంలో ఒకే ఒక జీవితం, పీపుల్స్ మీడియా ఫ్యాక్టరీ బ్యానర్ లో మరొక సినిమా.. మొత్తం రెండు సినిమాలు ప్రస్తుతం శర్వానంద్ చేతిలో ఉన్నాయి. అయితే ఇవి కాకుండా మరొక సినిమాని కూడా పట్టాలెక్కించే ప్రయత్నం చేస్తున్నాడు శర్వానంద్. ఒక ప్రముఖ నిర్మాత ఈ విషయమై శర్వానంద్ తో చర్చలు జరిపాడని, ఆ సినిమాలో మహానటి కీర్తి సురేష్ నటించనుందని చిత్రవర్గంలో పుకార్లు షికార్లు చేస్తున్నాయి. అయితే ఆ సినిమా డైరెక్టర్ ఎవరు? శర్వానంద్ తో చర్చించిన ప్రముఖ నిర్మాత ఎవరు అనేది తెలియాల్సి ఉంది. అసలు ఈ వార్తలో ఎంతవరకు నిజమున్నదో తెలియాలంటే అధికారిక ప్రకటన వచ్చేంతవరకు వేచిచూడాల్సిందే.
ప్రస్తుతం కీర్తి వరస తెలుగు ఆఫర్లతో దూసుకుపోతుంది. సూపర్స్టార్ మహేష్ బాబు సరసన సర్కారు వారి పాటలో, నాని దసరాలోనూ కీర్తి నటిస్తున్న విషయం తెలిసిందే.
|
|