తమ్ముడి 'పెన్నీ' పాటకు అక్క క్రేజీ స్టెప్పులు
cinema | Suryaa Desk | Published : Thu, Mar 31, 2022, 04:13 PM
పరశురామ్ డైరెక్షన్లో టాలీవుడ్ సూపర్ స్టార్ మహేష్ బాబు నటిస్తున్న చిత్రం సర్కారువారిపాట. కీర్తి సురేష్ కథానాయికగా నటిస్తోంది. మైత్రీ మూవీ మేకర్స్, 14రీల్స్ ప్లస్, GMB ఎంటర్టైన్మెంట్స్ సంయుక్తంగా నిర్మిస్తున్న ఈ చిత్రానికి థమన్ సంగీతం అందిస్తున్నారు. ఈ మూవీ నుండి ఇప్పటివరకు విడుదలైన ఫస్ట్ లుక్, గ్లిమ్ప్స్, పాటలకు ప్రేక్షకుల నుండి అద్భుతమైన స్పందన వస్తోంది. కళావతి పాటైతే యూట్యూబులో వందలకొద్దీ మిలియన్ల వీక్షణలతో దూసుకుపోతుంది. 'పెన్నీ' సాంగ్ లో సీతూ పాప స్టైలిష్ స్టెప్స్ తో సెంటర్ ఆఫ్ అట్ట్రాక్షన్ గా నిలిచింది. ఈ సాంగ్ సోషల్ మీడియాను షేక్ చేస్తోంది. సామాన్యులతో పాటు సెలెబ్రిటీలు కూడా ఈపాటకు స్టెప్పులేసి సోషల్ మీడియాలో పోస్ట్ చేస్తున్నారు.
తాజాగా ఈ పాటకు తనదైన శైలిలో స్టెప్పులేసి పేక్షకులకు కనువిందు చేసారు మహేష్ అక్క మంజుల. చాలా మంది ఫాలోవర్లు పెన్నీ పాటకు స్టెప్పులేయమని మంజులకు సోషల్ మీడియాలో కామెంట్లు పెడుతున్నారట. సో... వాళ్ళ కోరిక మేరకు పెన్నీ సాంగ్ కు స్టెప్పులేసానంటూ కామెంట్ చేసారు మంజుల. ప్రస్తుతం మంజుల పోస్ట్ చేసిన ఈ వీడియో నెట్టింట వైరల్ అవుతుంది. ఇకపోతే... ప్రస్తుతం పోస్ట్ ప్రొడక్షన్ పనులు జరుపుకుంటున్న సర్కారువారిపాట మే 12న ప్రేక్షకుల ముందుకు రానుంది.
|
|