ఆ తేదీన ఆలియా-రణ్ బీర్ ల పెళ్లి.. కారణమేంటో తెలుసా...?
cinema | Suryaa Desk | Published : Thu, Apr 07, 2022, 02:19 PM
బాలీవుడ్ మోస్ట్ లవ్లీ అండ్ అడారబుల్ పెయిర్ ఆలియా-రణ్ బీర్. గత కొంత కాలంగా ప్రేమలో మునిగి తేలుతున్న ఈ జంట త్వరలోనే పెళ్లి పీటలెక్కనుందని బాలీవుడ్ మీడియా కోడై కూస్తుంది. తాజాగా పెళ్లి డేట్ కూడా బయటికి వచ్చినట్టు తెలుస్తోంది.
ప్రతిష్టాత్మక సినీ చరిత్ర కలిగిన కపూర్ల కుటుంబం నుండి వచ్చిన రణ్ బీర్, ప్రముఖ బాలీవుడ్ నిర్మాత మహేష్ భట్ కుమార్తె ఆలియా ను ఏప్రిల్ 17న వివాహమాడబోతున్నారని తాజా సమాచారం. ఏప్రిల్ 17కు ఒక ప్రత్యేకత ఉంది. 17లో ఒకటి మరియు ఏడుల మొత్తం ఎనిమిది కాగా ఆ సంఖ్య పై రణ్ బీర్ కి మక్కువ ఎక్కువ. రణ్ బీర్ కున్న 8 సెంటిమెంటుతోనే ఏప్రిల్ 17న పెళ్లి ముహూర్తం నిర్ణయించినట్లు, అందుకు ఆలియా కూడా సంతోషం గా అంగీకరించినట్లు తెలుస్తోంది. పోతే... వీరి వివాహం సాంప్రదాయ పద్దతిలో జరగనుంది. కపూర్ల ఆచారవ్యవహారాలను గౌరవిస్తూ రణ్ బీర్ తల్లితండ్రులైన రిషి, నీతూ కపూర్లు పెళ్లి చేసుకున్న ఆర్కే హౌజ్ లోనే రణ్ బీర్-ఆలియాల పెళ్లి కూడా జరగుతుందని తెలుస్తుంది. అయితే వీరి వివాహం ఇరు కుటుంబాల పెద్దలతో కలిపి, అత్యంత సన్నిహితుల సమక్షంలో జరగనుంది. పెళ్లి తర్వాత సినీ ప్రముఖులకు, ఫ్యామిలీ ఫ్రెండ్స్ కు గ్రాండ్ గా పార్టీ ఇవ్వాలనే ఆలోచన చేస్తున్నారట ఈ కాబోయే భార్యాభర్తలు.
|
|