ఫ్యాన్స్ కు తలపతి విజయ్ స్ట్రాంగ్ వార్నింగ్
cinema | Suryaa Desk | Published : Fri, Apr 08, 2022, 08:20 PM
ఫ్యాన్స్ ను రాజకీయాల్లో ప్రోత్సహిస్తున్న తమిళ స్టార్ హీరో తలపతి విజయ్ తాజాగా కీలక నిర్ణయం తీసుకున్నారు. రాజకీయాల్లో వ్యవహరించాల్సిన విధానాలపై శుక్రవారం కీలక ఆదేశాలు జారీ చేశారు. ముఖ్యంగా ఇతర పార్టీల రాజకీయ నాయకులు, ప్రభుత్వ అధికారులను కించపరిచే విధంగా మాట్లాడినా, విమర్శలు చేసినా కఠిన చర్యలు ఉంటాయని స్పష్టం చేశారు.
దీనిపై ఆయన అభిమాన సంఘం ‘విజయ్ మక్కల్ ఇయ్యక్కం’ ప్రధాన కార్యదర్శి బుస్సి ఆనంద్ ప్రకటన విడుదల చేశారు. ఇతరులను విమర్శిస్తూ పత్రికలకు స్టేట్మెంట్లు, సోషల్ మీడియాలో ట్వీట్లు, మీమ్స్ వంటివి పోస్ట్ చేయొద్దన్నారు. ఇది విజయ్ తీసుకున్న నిర్ణయమని అభిమానులకు ఆయన స్పష్టం చేశారు. వీటిని ఉల్లంఘిస్తే విజయ్ మక్కల్ ఇయ్యక్కం నుంచి బహిష్కరిస్తామని ఆయన హెచ్చరించారు. అవసరమైతే న్యాయపరమైన చర్యలు కూడా తీసుకుంటామని చెప్పారు. హీరో విజయ్ నేరుగా రాజకీయాల్లో పాల్గొనకపోయినా, తన అభిమానులను ప్రోత్సహిస్తున్నారు. స్థానిక సంస్థల ఎన్నికల్లో గెలిచిన వారు ఆయన కలిసి ఫొటో దిగడంతో ఆ వార్తలకు ప్రాధాన్యత ఏర్పడింది.
|
|