ఈ నెల 12న ఆచార్య ట్రైలర్ విడుదల
cinema | Suryaa Desk | Published : Sat, Apr 09, 2022, 02:49 PM
ఆచార్య ట్రైలర్ ను ఈ నెల 12న వదులుతున్నట్లు సమాచారం. ఇదిలావుంటే తెలుగులో 'రాధేశ్యామ్' .. 'ఆర్ ఆర్ ఆర్' తరువాత వస్తున్న భారీ సినిమా 'ఆచార్య'. ఆరంభంలో ఈ సినిమాలో చరణ్ అతిథి పాత్రలో మెరుస్తున్నట్టుగా వార్తలు వచ్చాయి. కానీ 'సిద్ధ' అనే ఆయన పాత్ర ఈ సినిమాకి హైలైట్ అవుతుందని భావించి నిడివి పెంచారు. ఆయన జోడీగా పూజ హెగ్డేను తీసుకున్నారు. అలా ఇది మల్టీ స్టారర్ రూపాన్ని సంతరించుకుంది. ఈ సినిమా నుంచి ఇంతవరకూ వదిలిన అప్ డేట్స్ అంచనాలు పెంచుతూ వెళ్లాయి. 'శ్రీరామ నవమి' సందర్భంగా ఈ నెల 10వ తేదీన ఈ సినిమా నుంచి ట్రైలర్ రిలీజ్ చేయవచ్చనే టాక్ వినిపించింది. కానీ ఈ నెల 12వ తేదీన ట్రైలర్ ను వదులుతున్నట్టుగా ప్రకటించారు.
అందుకు సంబంధించిన పోస్టర్ ను అధికారికంగా ప్రకటించారు. చరణ్ - పూజ హెగ్డేలపై వేసిన ఈ పోస్టర్ ఆకట్టుకుంటోంది. మణిశర్మ సంగీతం ఈ సినిమాకి అదనపు బలంగా నిలుస్తుందని అంటున్నారు. చిరంజీవి - చరణ్ తెరపై కలిసి కనిపించే 20 నిమిషాల నిడివిగల యాక్షన్ ఎపిసోడ్ కోసం అంతా ఎంతో ఆత్రుతగా ఎదురుచూస్తున్నారు.
|
|