చిరు-చరణ్పై ఆర్జీవీ కామెంట్స్ వైరల్
cinema | Suryaa Desk | Published : Sun, Apr 17, 2022, 04:24 PM
ఎప్పుడూ వివాదాస్పద వ్యాఖ్యలతో వార్తలో ఉంటారు దర్శకుడు ఆర్జీవీ. ఆయన ఏ కామెంట్ చేసినా అది సంచలనంగా మారుతూ ఉంటుంది. తాజాగా మెగాస్టార్ చిరంజీవి, ఆయన తనయుడు రామ్చరణ్పై చేసిన కామెంట్స్ నెట్టింట వైరల్గా మారాయి. కొరటాల శివ దర్శకత్వంలో చిరు హీరోగా రూపొందిన 'ఆచార్య' సినిమా ఈ నెల 29న విడుదల కానుంది. ఈ సినిమాలో రామ్చరణ్ కీలక పాత్రలో నటించారు. సినిమా విడుదల తేదీ దగ్గర పడుతుండడంతో ప్రమోషన్స్ను చిత్ర బృందం వేగం చేసింది. ఇందులో భాగంగా చిరంజీవి, రామ్చరణ్ మాట్లాడుకుంటున్న వీడియో ఆసక్తిని రేకెత్తిస్తోంది. ఆ వీడియోపై ట్విట్టర్లో ఆసక్తికర కామెంట్స్ చేశాడు ఆర్జీవీ. "నేను బాగా హర్ట్ అయ్యాను. వాళిద్దరు సినిమా గురించి మాట్లాడుతూ తగ్గను, తగ్గేదేలే అనే అల్లు అర్జున్ డైలాగులు వాడుతున్నారు. ఇది చూస్తుంటే బన్నీని న్యూ మెగా హీరో అని చరణ్, చిరంజీవి రుజువు చేసినట్లు ఉంది"అని ట్విట్టర్లో ఆర్జీవీ పోస్ట్ చేశాడు.
|
|