లాల్ సింగ్ చద్దా నుండి ఫస్ట్ సాంగ్ "కహానీ" ఔట్
cinema | Suryaa Desk | Published : Thu, Apr 28, 2022, 12:01 PM
బాలీవుడ్ మిస్టర్ పర్ఫెక్ట్ ఆమీర్ ఖాన్ కొత్త చిత్రం లాల్ సింగ్ చద్దా. ఖాన్ తో కలిసి లాల్ సింగ్ చద్దా లో ఒక కీలక పాత్ర పోషించాడు అక్కినేని నాగ చైతన్య. అద్వైత్ చందన్ దర్శకత్వం వహించిన ఈ సినిమాని ఆమిర్ ఖాన్ ప్రొడక్షన్స్, వయాకామ్ 18స్టూడియోస్, పారామౌంట్ పిక్చర్స్ సంయుక్తంగా నిర్మించాయి. ఈ సినిమా హాలీవుడ్ క్లాసిక్ మూవీ ఫారెస్ట్ గంప్ (1994) కి ఇండియన్ రీమేక్. లీడ్ రోల్ లో ఆమీర్ నటించగా, ఆయనకు జతగా కరీనా కపూర్ ఖాన్ నటించింది. వాస్తవానికి ఈ మూవీ ఏప్రిల్ 14న విడుదల కావాల్సి ఉంది, కానీ ఆ తేదీన కేజీఎఫ్ ఉండటంతో లాల్ సింగ్ చద్దా ఆగస్టు 11 కు వాయిదా పడింది. ఏప్రిల్ 28న మీకు ఒక కథ చెబుతాను .... అని ఆమిర్ కొన్ని రోజుల క్రితం వీడియో విడుదల చేసినప్పటి నుండి ఈ మూవీ టీజర్ కానీ గ్లిమ్స్ గానీ వస్తాయని ప్రేక్షకులు ఎంతగానో ఎదురుచూసారు. కానీ అందరి ఊహలను తారుమారు చేస్తూ ఈ మూవీ నుండి మొదటి పాటని విడుదల చేసారు ఆమిర్ ఖాన్. తాజాగా ఈ మూవీ నుండి కహాని అనే పాటను విడుదల చేస్తూ ఆమిర్ ఖాన్ ప్రొడక్షన్ హౌస్ ట్విట్టర్ లో పోస్ట్ పెట్టింది. ప్రీతం స్వరపరిచిన ఈ గీతానికి అమితాబ్ భట్టాచార్య చక్కటి సాహిత్యాన్ని అందించారు. ముఖ్యంగా మెలోడీ ప్రియులను ఈ గీతం ఎంతగానో ఆకట్టుకుంటుంది.
|
|