సూపర్స్టార్ చేతులమీదుగా జయమ్మ పంచాయితీ రీలిజ్ ట్రైలర్
cinema | Suryaa Desk | Published : Wed, May 04, 2022, 01:16 PM
చాలా కాలం తర్వాత వెండితెరపై ఫుల్ లెంగ్త్ రోల్ లో సుమ కనకాల నటిస్తున్న చిత్రం జయమ్మ పంచాయితీ. విజయ్ కుమార్ కలివరపు డైరెక్షన్లో విలేజ్ కామెడీ డ్రామా గా రూపొందిన ఈ చిత్రం పలు కారణాల వల్ల వాయిదాపడి ఎట్టకేలకు మే 6న ప్రేక్షకుల ముందుకు రాబోతుంది. వెన్నెల క్రియేషన్స్ పతాకంపై బలగ ప్రకాష్ నిర్మించారు. ఇటీవలనే ఈ మూవీ ప్రీ రిలీజ్ ఈవెంట్ చాలా గ్రాండ్ గా జరిగింది. తాజాగా ఈ మూవీ రిలీజ్ ట్రైలర్ ను సూపర్స్టార్ మహేష్ బాబు రిలీజ్ చేసి, చిత్రబృందానికి శుభాకాంక్షలను తెలియచేసారు. ట్రైలర్ ఆద్యంతం సుమ ఒంటిచేత్తో నడిపించారు. ఒక పక్క అమాయకంగా కనబడుతూనే మరోపక్క చాలా కమాండింగ్ గా నటించిన సుమ యాక్షన్ సూపర్ అనాల్సిందే. బుల్లితెరపై సుదీర్ఘ కాలంపాటు రాజ్యమేలిన సుమ వెండితెరపై కూడా తిరుగులేని స్థానాన్ని సొంతం చేసుకోగలదని ట్రేలర్ చూస్తుంటేనే అర్ధమవుతుంది. ఇప్పటివరకు ఏ తెలుగు సినిమా లో లేని కథతో, కథనాలతో మూవీ ఉండనున్నట్టు తెలుస్తోంది. ఎం.ఎం కీరవాణి మ్యూజిక్, బ్యాక్ గ్రౌండ్ మ్యూజిక్ సినిమాను మరో మెట్టు ఎక్కించేటట్టున్నాయి. ఈ సినిమా విజయం పట్ల చిత్రబృందం చాలా నమ్మకంగా ఉంది. యాంకర్ గా ప్రేక్షకుల మనసు దోచుకున్న సుమ వెండితెరపై యాక్టింగ్ కు ప్రేక్షకులు ఎన్ని మార్కులిస్తారో చూడాలి.
|
|