హాట్ కేకుల్లాగా అమ్ముడవుతున్న SVP మూవీ టికెట్స్
cinema | Suryaa Desk | Published : Tue, May 10, 2022, 12:13 PM
సూపర్స్టార్ మహేష్ బాబు కొత్త చిత్రం సర్కారువారిపాట టికెట్ల అడ్వాన్స్ బుకింగ్ నిన్నటి నుండి ప్రారంభమైంది. ఆన్లైన్ మూవీ టికెట్ పోర్టల్ రిపోర్ట్స్ ను బట్టి హైదరాబాద్ మరియు ఇతర మెట్రో ప్రాంతాల్లో SVP టికెట్లు ఆన్లైన్ లో హాట్ కేకుల్లాగా క్షణాల్లో అమ్ముడవుతున్నాయంట. ఇటీవల విడుదలైన SVP ట్రైలర్, పాటలు, గ్లిమ్స్.... ఇలా ఈ మూవీకి సంబంధించిన ప్రతి విషయం కూడా ప్రేక్షకుల మనసును గెలుచుకుంది. కొన్నాళ్ల నుండి క్లాస్ మహేష్ బాబును చూసిన ప్రేక్షకులకు ఈ సినిమాతో కొత్త మాస్ మహేష్ బాబు కనిపిస్తాడు... అనటంలో ఎలాంటి సందేహం లేదు. మహేష్ యాటిట్యూడ్, డైలాగ్స్, కామెడీ టైమింగ్, థమన్ మ్యూజిక్ ఈ సినిమాకు ప్రధాన హై లైట్ గా నిలవనున్నాయి. ఎప్పుడొప్పుడు ఈ మూవీని చూస్తామా అని మహేష్ ఫ్యాన్స్ కళ్ళు కాయలు కాచేలా ఎదురుచూస్తున్నారు. వీరి నిరీక్షణకు ఇంకా రెండు రోజుల టైం ఉంది. ప్రపంచవ్యాప్తంగా మే 12న విడుదల కానున్న ఈ సినిమా పట్ల భారీ అంచనాలున్నాయి. దీంతో ఈ సినిమాను సబ్ టైటిల్స్ తో తమిళం మరియు ఇతర భాషలలో కూడా విడుదల చెయ్యాలని నిర్మాతలు ప్లాన్ చేస్తున్నారని టాక్. పరశురామ్ డైరెక్ట్ చేసిన ఈ మూవీలో కీర్తి సురేష్ కథానాయిక. యాక్షన్ కామెడీ ఎంటర్టైనర్ గా రూపొందుతున్న ఈ సినిమాని మైత్రి మూవీ మేకర్స్, 14 రీల్స్ ప్లస్, GMB ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి.
|
|