'ఏజెంట్' మూవీ రిలీజ్ ఆలస్యం కానుందా..!

మోస్ట్ ఎలిజిబుల్ బ్యాచిలర్ తర్వాత అక్కినేని అఖిల్ నుండి రానున్న కొత్త చిత్రం 'ఏజెంట్'. సురేందర్ రెడ్డి దర్శకత్వంలో, ఏకే ఎంటర్టైన్మెంట్స్ బ్యానర్ పై అనిల్ సుంకర భారీ యాక్షన్ ఎంటర్టైనర్గా ఈ చిత్రాన్ని తెరకెక్కిస్తున్నారు. క్యూటుగా, హ్యాండ్సమ్ గా కనిపించే అఖిల్ ఈ సినిమాలో తన లుక్కును పూర్తి గా మార్చినట్టు తెలుస్తోంది. సురేందర్ రిక్వెస్ట్ మేరకు 8ప్యాక్ చేసి, పూర్తి రఫ్ లుక్లో యాక్షన్ సినిమాకు తగ్గట్టుగా మేక్ ఓవర్  అయ్యాడు. ఈ సినిమాలో మలయాళ మెగా స్టార్ మమ్ముట్టి ఒక కీలక పాత్ర పోషిస్తున్నారు. సాక్షి వైద్య హీరోయిన్ గా నటిస్తున్న ఈ చిత్రానికి హిప్ హప్ తమిళ సంగీతం అందిస్తున్నారు. ఈ మూవీ ఆగస్టు 12న ప్రేక్షకుల ముందుకు రానుంది. అయితే అదే రోజు మెగాస్టార్ చిరంజీవి గాడ్ ఫాదర్ కూడా విడుదలవబోతున్నట్టు చిత్రసీమలో వార్తలు వస్తున్నాయి. చిరంజీవి సినిమా అంటే థియేటర్లకు జనాలు ఏ రేంజులో వస్తారో తెలిసిందే. అదీ కాక ఆచార్య వంటి డిజాస్టర్ తర్వాత చిరు నుండి రాబోతున్న చిత్రం కావడంతో ఈ సినిమాపై మరింత అంచనాలున్నాయి. ఆల్రెడీ మలయాళంలో సూపర్ హిట్ ఐన సినిమానే కాబట్టి తెలుగులో ఈ సినిమా విజయం లాంఛనమే అని అనుకుంటున్నారు. ఈ నేపథ్యంలో అఖిల్ ఏజెంట్ విడుదలైతే  కలెక్షన్ల పై ప్రభావం బాగానే ఉండనుంది. ఇవన్నీ ఆలోచించే ఏజెంట్ చిత్రబృందం సినిమా విడుదల తేదీ గురించి పునరాలోచన చేస్తుందని టాక్. అదీకాక అఖిల్ గాయం కారణంగా ఈ సినిమా మరింత ఆలస్యం కానుందట. సో... ఆగస్టు 12న ఏజెంట్ సినిమా విడుదలవకపోవచ్చు అని అనుకుంటున్నారు. అయితే, ఈ విషయం పై అధికారికంగా వివరణ ఇచ్చేంతవరకు వేచిచూడాల్సిందే.