మార్చి 15 న 'సేవ్ ది టైగర్స్-2'..
cinema | Suryaa Desk | Published : Sun, Mar 03, 2024, 10:53 AM
ప్రియదర్శి, చైతన్యకృష్ణ, అభినవ్ గోమతం కీలక పాత్రల్లో రూపొందిన కామెడీ వెబ్ సిరీస్ 'సేవ్ ది టైగర్స్'. గతేడాది డిస్నీ ప్లస్ హాట్ స్టార్ OTTలో విడుదలైన ఈ సిరీస్ OTT ప్రేక్షకులను అలరించింది. ఈ క్రమంలో ప్రేక్షకులు కామెడీకి ఫిదా అయిపోయారు. మరోవైపు, నేటివిటీకి దగ్గరగా ఉండే పాత్రలతో విపరీతంగా కనెక్ట్‌ అయ్యారు.
ఈ సిరీస్‌కి ఉన్న క్రేజ్ చూసి మేకర్స్ సీక్వెల్ తీయాలని నిర్ణయించుకున్నారు. ఈ నేపథ్యంలో దానికి సీక్వెల్‌గా సీజన్-2 రాబోతోంది. తాజాగా డిస్నీ ప్లస్ హాట్‌స్టార్ తన సోషల్ మీడియా ఖాతాలో ట్రైలర్‌ను షేర్ చేసింది. ఫస్ట్ సీజన్ ను మించి నవ్వులు పంచేందుకు సిద్ధమైనట్లు ట్రైలర్ చూస్తుంటే అర్థమవుతోంది. ఈసారి సీరత్ కపూర్ కీలక పాత్ర పోషించింది. రాఘవ, ప్రదీప్ అద్వైత నిర్మిస్తున్న 'సేవ్ ది టైగర్స్ 2' చిత్రానికి మహి వి.అరుణ్ కొత్తపల్లి దర్శకత్వం వహిస్తున్నారు. మార్చి 15 నుంచి ఈ సిరీస్ ప్రసారం కానుంది.
|
|