పాన్ ఇండియా సినిమాలో ఛాన్స్ కొట్టేసిన నభా నటేష్
cinema | Suryaa Desk | Published : Thu, Mar 14, 2024, 11:58 AM
కార్తికేయ 2 చిత్రంతో నిఖిల్ కి పాన్ ఇండియా గుర్తింపు లభించింది. ప్రస్తుతం నిఖిల్ ఇండియా హౌస్, స్వయంభు ఇలా రెండు పాన్ ఇండియా మూవీస్ చేస్తున్నాడు. స్వయంభు చిత్రం కోసం నిఖిల్ చాలా కష్టపడుతున్నాడు.కార్తికేయ 2 చిత్రంతో నిఖిల్ కి పాన్ ఇండియా గుర్తింపు లభించింది. ప్రస్తుతం నిఖిల్ ఇండియా హౌస్, స్వయంభు ఇలా రెండు పాన్ ఇండియా మూవీస్ చేస్తున్నాడు. స్వయంభు చిత్రం కోసం నిఖిల్ చాలా కష్టపడుతున్నాడు. ఈ చిత్రంలో నిఖిల్ వారియర్ గా కనిపించబోతున్న సంగతి తెలిసిందే. ఠాగూర్ మధు నిర్మిస్తున్న ఈ చిత్రం భారీ బడ్జెట్ లో తెరకెక్కుతోంది. ఈ చిత్రానికి సంబంధించిన ఆసక్తికర అప్డేట్ వైరల్ గా మారింది. ఈ మూవీలో ఇస్మార్ట్ బ్యూటీ నభా నటేష్ కి ఛాన్స్ దక్కినట్లు వార్తలు వస్తున్నాయి. నభా నటేష్ ఇస్మార్ట్ శంకర్ తర్వాత బిజీ అవుతుందనుకున్నారు. కానీ అలా జరగలేదు. లేటుగా అయినా ఏకంగా పాన్ ఇండియా సినిమాలో నభా ఛాన్స్ దక్కించుకోవడం విశేషం. ఈ మూవీలో ఆల్రెడీ హీరోయిన్ గా సంయుక్త మీనన్ నటిస్తోంది. ఇప్పుడు నభా సెకండ్ హీరోయిన్ గా ఛాన్స్ దక్కించుకుంది. నిఖిల్ కెరీర్ లోనే స్వయంభు భారీ బడ్జెట్ తో తెరకెక్కుతోంది. భారీ సెట్స్, సిజి వర్క్ ఎక్కువగా ఉంటాయట. పోరాట సన్నివేశాలు నెక్స్ట్ లెవల్ లో ఉండబోతున్నట్లు తెలుస్తోంది. నభా నటేష్ కి నిఖిల్ చిత్రంతో అయినా బ్రేక్ వస్తుందో లేదో చూడాలి. నిఖిల్ ఈ చిత్రం తర్వాత రాంచరణ్ నిర్మిస్తున్న ఇండియా హౌస్ అనే పాన్ ఇండియా మూవీలో నటించాల్సి ఉంది. కార్తికేయ 2 తర్వాత నిఖిల్ కి అన్నీ క్రేజీ చిత్రాలు వస్తున్నాయి.
|
|