హౌతీల దాడి వేళ అసాధారణ తెగువ... ఐఎన్ఎస్ విశాఖ సిబ్బందికి అరుదైన గౌరవం

భారత నౌకాదళానికి చెందిన సిబ్బందికి అరుదైన గౌరవం దక్కింది. సముద్రంలో అసాధారణ ధైర్యసాహసాలను ప్రదర్శించేవారికి ఇచ్చే ఇంటర్నేషనల్ మారిటైమ్ ఆర్గనైజేషన్ (అవార్డు). ఐఎన్ఎస్ విశాఖపట్నం యుద్ధ నౌక కెప్టెన్‌ అవిలాష్‌ రావత్‌, ఆయన సిబ్బందికి వరించింది. ఎర్ర సముద్రంలో బ్రిటన్‌ వాణిజ్య నౌకపై హౌతీ తిరుగుబాటుదారులు క్షిపణి దాడి జరిపిన సమయంలో వారు అసాధారణ ధైర్య సాహసాలను ప్రదర్శించినందుకు గానూ ఈ అవార్డు దక్కింది. లండన్‌లోని ఐఎంవో ప్రధాన కార్యాలయంలో సోమవారం సాయంత్రం జరిగిన కార్యక్రమంలో కెప్టెన్‌ అవిలాష్‌ రావత్‌ తన సిబ్బంది తరఫున ఈ అవార్డును అందుకున్నారు.

ఈ ఏడాది జనవరి 26న బ్రిటన్‌ వాణిజ్య నౌక మార్లిన్ లువాండాపై హౌతీ రెబల్స్ యాంటీ-షిప్ బాలిస్టిక్ క్షిపణి ప్రయోగించారు. దీంతో ప్రమాదంలో పడిన ఆ నౌక కెప్టెన్‌ బ్రిజేశ్ నంబియార్ నుంచి ఎమర్జెన్నీ కాల్ రావడంతో ఐఎన్‌ఎస్‌ విశాఖపట్నం వెంటనే స్పందించింది. కెప్టె న్‌ అవిలాష్‌ రావత్‌, ఆయన సిబ్బంది ఐదు గంటలపాటు శ్రమించి మార్లిన్‌ లువాండాలో మంటలను అదుపు చేసి, అందులోని సిబ్బందిని రక్షించారు.

అవార్డు అందుకున్న అనంతరం అవిలాష్ రావత్ మాట్లాడుతూ.. ‘నా సిబ్బంది అసాధారణమైన ధైర్యం, వృత్తి నైపుణ్యం, అచంచలమైన అంకితభావం కోసం నేను ఈ అవకాశాన్ని ఉపయోగించాలనుకుంటున్నాను... ఆ క్లిష్టమైన సమయాల్లో మీ మద్దతు, నమ్మకం అమూల్యమైనవి. మేమంతా కలిసి అత్యంత క్లిష్టమైన సవాళ్లను అధిగమించాం’ అని అన్నారు.

‘మార్లిన్ లువాండా సిబ్బంది తరపున భారత్, ఫ్రెంచ్, అమెరికా నావికాదళాలకు నేను హృదయపూర్వక కృతజ్ఞతలు తెలియజేస్తున్నాను;.. అత్యంత క్లిష్టమైన సమయంలో మీ మార్గనిర్దేశం, సమయానుకూల స్పందన, నిబద్ధత కీలకమైంది’ అని చెప్పారు. ఈ సందర్భంగా ఎర్ర సముద్రంలో భద్రత గురించి రావత్‌ను ప్రశ్నించగా.. పరిస్థితి ఇంకా ఉద్రిక్తంగానే ఉందని తెలిపారు. ఎర్ర సముద్రం మీదుగా వాణిజ్య నౌకల రవాణా నిలిపివేయాలని కోరారు. అయితే, సముద్రంలో సముద్రంలో జీవితం ఎల్లప్పుడూ చాలా లాభదాయకంగా ఉంటుంది. ఇది చాలా మంచి వృత్తి, యువత ఇందులో చేరేలా ప్రోత్సహించాలని ఆయన సూచించారు.