పుణేను వణికిస్తున్న గులియన్ బారే సిండ్రోమ్

పుణేలో గులియన్ బారే సిండ్రోమ్ బాధితుల సంఖ్య క్రమక్రమంగా పెరుగుతండగా.. ఆసుపత్రులన్నీ అప్రమత్తం అయ్యాయి. ఈక్రమంలోనే వైద్యోరోగ్య శాఖకు ఈ విషయాలను వివరించి జిల్లా వ్యాప్తంగా చర్యలు తీసుకోవాలని సూచించింది. ఈక్రమంలోనే వైద్యాధికారులు ఇంటింటికీ వెళ్లి సర్వేలు చేస్తూ.. లక్షణాలు, తీసుకోవాల్సిన జాగ్రత్తల గురించి వివరిస్తున్నారు. ఇప్పటి వరకు మొత్తంగా 7 వేల 200 ఇళ్లలో సర్వేలు చేశారు. అలాగే ఈ వ్యాధి సోకిన వారికి ఇచ్చే ఇంజక్షన్లు, మందుల నిల్వలను అన్ని ఆస్పత్రుల్లోనూ అంతకంతకూ పెంచుతున్నారు.

ఇప్పటి వరకు 73 మంది ఈ వ్యాధి బారిన పడగా.. 44 మంది పుణే రూరల్‌కు చెందిన వాళ్లు కాగా, 11 మంది పుణే కార్పొరేషన్ ప్రాంతానికి చెందిన వాళ్లు. అలాగే మరో 15 మంది పంప్రి-చించ్‌వాడ్ మున్సిపల్ కార్పొరేషన్‌కు చెందిన వాళ్లు కాగా, డీఎస్‌కే విశ్వ నుంచి 8, నాందేడ్ నగరం నుంచి 7, ఖడక్ వాసలా నుంచి ఆరుగురు రోగులు ఉన్నారు. ఇందులో ఐదేళ్ల కంటే తక్కువ వయసు ఉన్నవారు ముగ్గురు కాగా, 6-18 ఏళ్ల వయసు వరకు ఉన్నవారు 18 మంది ఉన్నారు. ఏడుగురు రోగులు మాత్రం 60 ఏళ్లకు పైబడిన వారు.

గులియన్ బారే సిండ్రోమ్ అనేది అరుదైన నాడీ సంబంధిత వ్యాధి. ఇది శరీరంలోని రోగ నిరోధక వ్యవస్థపై దాడి చేస్తుంది. ఈ వ్యాధి సోకిన వారందరిలోనూ నరాల బలహీనత, తిమ్మిర్లు, పక్షవాతం వచ్చే అవకాశాలు ఎక్కువగా ఉంటాయి. అయితే ఈ వ్యాధి సోకిన వాళ్లు ఎక్కువ మంది కోలుకుంటారు.

ముందుగా కండరాల నొప్పి ప్రారంభం అవుతుంది. నడవడానికి, పనులు చేసుకోవడానికి కూడా కష్టం అవుతుంది. అలాగే శ్యావ తీసుకోవడంలో ఇబ్బంది పడుతుంటారు. మాట్లాడడం, మింగడం కూడా చాలా కష్టంగా అనిపిస్తుంది. అలాగే దృష్టి సమస్యలను కూడా ఎదుర్కుంటారు. జీబీఎస్ లక్షమాలు రోజులు లేదా కొన్ని వారాల పాటు అభివృద్ధి చెందుతాయి. లక్షణాలు కనిపించిన మొదటి రెండు వారాల్లోనే చాలా మంది బలహీనతతో అత్యంత తీవ్రమైన దశకు చేరుకుంటారు. మూడో వారం నాటికి మరింత బలహీనమైపోతుంటారు.