జాన్వీ కపూర్ విషయంలో అదంతా రూమరేనన్న బోనీ కపూర్
cinema | Suryaa Desk | Published : Wed, Feb 23, 2022, 09:15 PM
బాలీవుడ్ లో శ్రీదేవి వారసురాలిగా ఆ స్థాయిని, స్థానాన్ని అందుకోవడానికి జాన్వీ కపూర్ తనవంతు ప్రయత్నం చేస్తోంది. అలాగే మంచి కథ , పాత్ర వస్తే చేయడానికి తాను సిద్ధంగా ఉన్నాననే సంకేతాలను ఇస్తోంది. ముఖ్యంగా తెలుగులో చేయడానికి ఆమె కొంతకాలంగా ఉత్సాహాన్ని చూపుతోంది. ఈ నేపథ్యంలో టాలీవుడ్ లో ఏ స్టార్ హీరో సినిమా మొదలైనా అతని జోడీగా జాన్వీ కపూర్ పేరు వినిపిస్తోంది. కొరటాల - ఎన్టీఆర్ సినిమా విషయంలోను జాన్వీ కపూర్ పేరు వినిపించింది. అయితే నిర్మాతగా 'వలిమై' ప్రమోషన్స్ లో బిజీగా ఉన్న బోనీ కపూర్ ఈ విషయంలో క్లారిటీ ఇచ్చారు. ఎన్టీఆర్ - కొరటాల సినిమా మాత్రమే కాదు .. అసలు తెలుగులోనే జాన్వీ కపూర్ ఏ సినిమా చేయడం లేదనీ, తమని ఎవరూ సంప్రదించలేదనే విషయాన్ని ఆయన స్పష్టం చేశారు. మంచి స్క్రిప్ట్ వస్తే మాత్రం తెలుగుతో పాటు దక్షిణాది భాషలన్నిటిలోను చేయడానికి జాన్వీ సిద్ధంగా ఉందని చెప్పారు.
|
|