చిరంజీవి సినిమాలో యాంకర్ అనసూయ?
cinema | Suryaa Desk | Published : Tue, Mar 15, 2022, 02:49 PM
మెగాస్టార్ చిరంజీవి 153వ చిత్రంగా తెరకెక్కుతున్న చిత్రం గాడ్ ఫాదర్. మలయాళ హీరో పృథ్విరాజ్ సుకుమారన్ నటించి, దర్శకత్వం వహించిన సూపర్ హిట్ చిత్రం 'లూసిఫర్'కి తెలుగు రీమేక్ గా దర్శకుడు మోహన్ రాజా ఈ సినిమాని తెరకెక్కిస్తున్నారు.
ప్రస్తుతం ఈ సినిమా ముంబై లో చిత్రీకరణ జరుపుకుంటుంది. ఈ మూవీలో కీలక పాత్ర పోషిస్తున్న బాలీవుడ్ కండల వీరుడు సల్మాన్ ఖాన్, మెగా స్టార్లపై కొన్ని కీలక ఘట్టాలను చిత్రీకరిస్తున్నారు. ఇదిలా ఉంటే ఈ మూవీ కి సంబంధించిన ఒక ఇంటరెస్టింగ్ న్యూస్ చిత్రసీమలో షికారు చేస్తుంది. అదేంటంటే... ఈ సినిమాలో మెగాస్టార్ చిరంజీవికి షాకిచ్చే పాత్రలో బుల్లితెర యాంకర్, నటి అనసూయ నటించనున్నారట. ఒక వ్యక్తి కారణంగా అనుకోకుండా గర్భవతి అయి ఒక బిడ్డకు జన్మనిచ్చే యువతి పాత్రలో అనసూయ నటిస్తుందని చెప్తున్నారు. అసలింతకీ ఆ పాత్ర వెనుక కధేంటి? చిరంజీవికి ఎందుకు షాకిస్తుంది? తెలుసుకోవాలని ప్రేక్షకులు ఆసక్తిగా ఎదురుచూస్తున్నారు.
ఇటీవల అల్లు అర్జున్ పాన్ ఇండియా చిత్రం పుష్ప సినిమాలో లేడీ విలన్గా నటించి ప్రేక్షకులను మెప్పించింది అనసూయ.
|
|