లైగర్ తో కిల్లింగ్ స్టెప్పులకు రెడీ ఐన వింక్ బ్యూటీ...
cinema | Suryaa Desk | Published : Tue, Mar 22, 2022, 03:08 PM
టాలీవుడ్ స్టార్ దర్శకుడు పూరి జగన్నాధ్ డైరెక్షన్స్లో రౌడీ హీరో విజయ్ దేవరకొండ నటిస్తున్న పాన్ ఇండియా చిత్రం లైగర్. ఈ సినిమాలో విజయ్ ఓ బాక్సర్ పాత్రలో నటిస్తుండటం విశేషం. పూరీ కనెక్ట్స్ బ్యానర్పై పూరీ మరియు హీరోయిన్ ఛార్మీ కలిసి ప్రొడ్యూస్ చేస్తున్న ఈ సినిమాలో బాలీవుడ్ యంగ్ యాక్ట్రెస్ అనన్యా పాండే హీరోయిన్గా నటిస్తుండగా, రమ్యకృష్ణ ఓ కీలక పాత్రలో నటిస్తున్నారు. కాగా ఈ సినిమాలో వరల్డ్ ఫేమస్ లెజెండరీ బాక్సింగ్ ఛాంపియన్ మైక్ టైసన్ ఓ గెస్ట్ రోల్లో నటిస్తున్నారు. బాలీవుడ్లో ఈ సినిమాను కరణ్ జోహర్ రిలీజ్ చేస్తున్నారు.
2018లో తన కొంటె చూపుతో దేశాన్ని ఒక ఊపు ఊపేసిన మలయాళ నటి ప్రియా ప్రకాష్ వారియర్ లైగర్ సినిమాలోని ఒక స్పెషల్ సాంగ్ లో స్టెప్స్ వేయటానికి రెడీ అయిందని చిత్ర వర్గ తాజా సమాచారం. నితిన్ నటించిన చెక్ మూవీలో ముఖ్య పాత్ర పోషించిన ప్రియా ఆ తరవాత మరే సినిమాలోనూ ఆఫర్లను పొందలేకపోయింది. ఈ క్రమంలో విజయ్ తో చేయబోయే ఈ స్పెషల్ సాంగ్ ఆఫర్ ఆమెకు రావటం, దానికి ఆమె ఓకే చెప్పటం అన్ని చక చకా జరిగిపోయాయట. అయితే దీనికి సంబంధించి అఫీషియల్ అనౌన్స్మెంట్ రావాల్సి ఉంది.
|
|