బ్యూటీ సీక్రెట్ రివీల్ చేసిన కుమారి 21F
cinema | Suryaa Desk | Published : Tue, Mar 22, 2022, 03:11 PM
2014లో అలా ఎలా? అనే మూవీతో టాలీవుడ్ కు ఎంట్రీ ఇచ్చింది హీరోయిన్ హెబ్బా పటేల్. ఆ తరవాత రాజ్ తరుణ్ నటించిన కుమారి 21F లో లీడ్ రోల్లో నటించి తెలుగు ప్రేక్షకులకు చేరువయ్యింది. ఈ సినిమా భారీ విజయాన్ని సొంతం చేసుకుంది. ఈ చిత్రంతో హెబ్బాకు యూత్ లో మంచి ఫాలోయింగ్ ఏర్పడింది. ఆ తరవాత చేసిన ఎక్కడికి పోతావు చిన్నవాడా, ఈడో రకం ఆడో రకం, నాన్నా నేను నా బాయ్ ఫ్రెండ్స్, 24 కిస్సెస్ లాంటి వరస సినిమాలు చేసినా హెబ్బాకు స్టార్ ఇమేజ్ ను తీసుకురాలేకపోయాయి. తాజాగా హెబ్బా ఓదెల రైల్వే స్టేషన్ అనే సినిమాలో నటిస్తుంది. ఓదెల అనే గ్రామంలో జరిగిన వాస్తవ సంఘటన ఆధారంగా ఈ మూవీ ఒక క్రైం థ్రిల్లర్ గా తెరకెక్కుతుంది. రామ్ కార్తిక్ సరసన తెలిసినవాళ్లు అనే సినిమాలో కూడా నటిస్తుంది హెబ్బా. ఈ రెండు సినిమాలపై కొండంత ఆశలు పెట్టుకుంది హెబ్బా. తన కెరీర్ పుంజుకోవటానికి ఈ సినిమాలు ఏ మేరకు ఉపయోగపడతాయో చూడాలి మరి.
సోషల్ మీడియా లో ఫుల్ యాక్టీవ్గా ఉండే హెబ్బా తాజాగా అభిమానులతో క్వశ్చన్ అండ్ ఆన్సర్ సెషన్ నిర్వహించింది. అందులో ఒక అభిమాని తన బ్యూటీ సీక్రెట్ గురించి అడగగా హెబ్బా సమాధానమిస్తూ 'అదొక రహస్యం. చెప్పకూడదనుకున్నా కానీ తప్పటం లేదు.. దేవుడిచ్చింది కొంతయితే ... డాక్టర్ల కృషి మరికొంత' అని తెలిపింది. దీంతో ఆశ్చర్యపోవటం ఆ అభిమాని వంతైంది.
|
|