ఆర్ఆర్ఆర్ పై నిర్మాత పీవీపీ తీవ్ర వ్యాఖ్యలు

ఆర్ఆర్ఆర్ సినిమాపై ప్రపంచవ్యాప్తంగా పాజిటివ్ రిపోర్ట్స్ వచ్చాయి. కొందరు బాలీవుడ్ క్రిటిక్స్, తెలుగులో చాలా తక్కువగా నెగెటివ్ రివ్యూలు కనిపిస్తున్నాయి. అయితే ఈ రివ్యూలపై ఫ్యాన్స్ ఆగ్రహం వ్యక్తం చేస్తున్నారు. సినిమా బాగున్నా, హీరోల పర్ఫామెన్స్ అదిరిపోయినా కూడా నెగెటివ్‌గా రాయడంపై మండిపడుతున్నారు. వీరితో పాటు నిర్మాత పీవీపీ కూడా తోడయ్యాడు. ఇక పీవీపీ అయితే ఎన్నో లాజిక్స్ కూడా తీశాడు. దారుణంగా పరుషమైన భాషతో విరుచుకుపడ్డాడు. ‘కళకు కులం పిచ్చి అంటించే కొడుకులకు, కుత్తుక కొయ్యాలి.. జాతి గర్వించే కధలు, దేశభక్తితో నెత్తురు ఉడికించే సినిమాను చూసి శభాష్ అనాలి..మన తెలుగు వాడు, ఒక జాతీయ సంపద అయినందుకు మనవాడని ఆనంద పడాలి. నాకు ఈ సినిమా హీరోలతో, దర్శక నిర్మాతలతో ఇప్పుడు, మున్ముందున వ్యాపారం లేదు.. కాస్త తెలుగోడిగా, గర్వపడిండిరా కొడకల్లారా.. ఫ్రీడం ఆఫ్ స్పీచ్ ఉంది. . సొంత అభిప్రాయాలకు, వార్తలకు సన్నని తీగలాంటి తేడా ఉంటుందని గమనించండి. జీవితంలో ఒక షాట్ తియ్యలేదు, ఒక్క రోజు షూటింగ్లో నిలబడింది లేదు.. కానీ అందరికి సినిమాలు తీయ్యడంలో క్లాసులు పీకుతారు.. సినీప్రపంచంలో భయపడుతూ బ్రతికేవాళ్లందరు, మీ కష్టాన్ని అపహాస్యం చేసేవాళ్ళ మీద తిరగపడండి’ అంటూ ట్వీట్లు వేశాడు. మొత్తానికి ఈయన చేసిన ట్వీట్లపై అభిమానులు భారీగానే రియాక్ట్ అవుతున్నారు. ఇక నెగెటివ్ రివ్యూలు రాసిన వారిని దారుణంగా ట్రోల్ చేస్తున్నారు. మీమ్స్‌తో ఆటాడేసుకుంటున్నారు. మొత్తానికి ఆర్ఆర్ఆర్ మేనియా మాత్రం మూములుగా లేదన్న విషయం అందరికీ అర్థమవుతోంది. ఫస్డ్ డే కలెక్షన్లలో ఆర్ఆర్ఆర్ కొత్త రికార్డులు క్రియేట్ చేసేట్టు కనిపిస్తోంది